Нямецка-беларускі аздараўленчы цэнтр «Надзея» ў Вілейскім раёне перайшоў пад кантроль дзяржавы
Ва ўласнасць дзяржавы перайшлі долі нямецкага і беларускага ўладальнікаў буйнога дзіцячага рэабілітацыйна-аздараўленчага цэнтра «Надзея». Пра гэта гаворыцца ў дакуменце, які апублікаваны на партале Pravo.by.
Гэта адзін з нямногіх дзіцячых лагераў, дзе сапраўды развітыя медыцынскія паслугі: па ўмацаванні імуннай сістэмы, лячэнні бронхалёгачнай і сардэчна-сасудзістай паталогій.
Ён будаваўся пад рэабілітацыю дзяцей, якія пацярпелі ад наступстваў чарнобыльскай аварыі. Да нядаўняга часу ва ўласнасці дзяржавы была толькі частка гэтага аб'екта. Яна знаходзілася ва ўпраўленні МНС.
Больш за 50% цэнтра належала нямецкаму грамадскаму аб'яднанню «Сябры дзіцячага цэнтра «Надзея» ў Германіі». Яшчэ крыху больш за 25% — беларускаму ГА «Жывое партнёрства». Цяпер іх долі перададзеныя дзяржаве. Агульны іх кошт-звыш 22 млн рублёў.
Цэнтр размешчаны ў Вілейскім раёне Мінскай вобласці ў 80 км ад Мінска, у экалагічна чыстым месцы — маляўнічым сасновым бары. Там тры трохпавярховыя спальныя карпусы, тры двухпавярховыя гасцявыя дамы, школа, культурна-аздараўленчы комплекс і іншая інфраструктура.
-
Блізкія 74‑гадовага святара, які загінуў на трасе пад Фаніпалем, кажуць, што ён не перабягаў дарогу, а ратаваў параненага сабаку
-
«Яго ўласныя дзеці адпраўляліся ў ГДР». Сузаснавальніца фонду «Дзецям Чарнобыля» пра тое, чаму яго не любіў Лукашэнка
-
«Ужо ў СІЗА». За жахлівы падзеж цялят на Гомельшчыне арыштавалі кіраўніка гаспадаркі
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным15
Каментары