Работніца абменніка прайграла ў анлайн-казіно 500 тысяч банкаўскіх рублёў
Гісторыя разгарнулася ў Бабруйску.
У снежні 2023 года шматдзетная маці ад сына даведалася пра імгненную інтэрнэт-латарэю і вырашыла паспрабаваць удачу. Жанчына прайграла ўласныя грошы, але не спынілася.
Працуючы ў абменніку аднаго з банкаў яна падкладвала ў пачкі з грашовымі сродкамі фрагменты паперы і кардону, а сапраўдныя купюры крала.
З снежня 2023‑га да студзеня 2026 года бабруйчанка выкрала і прайграла больш за 520 тысяч рублёў.
Жанчыне выставілі абвінавачанне ў прысваенні маёмасці ў асабліва буйным памеры. Эксперт прыйшоў да высновы, што абвінавачаная мае псіхічны разлад у форме паталагічнай схільнасці да азартных гульняў.
У судовым пасяджэнні жанчына поўнасцю прызнала віну і раскаялася. Суд прызначыў ёй пакаранне — пяць гадоў у папраўчай калоніі ва ўмовах агульнага рэжыму, штраф 200 базавых велічынь (9 тысяч рублёў), а таксама пазбаўленне права займаць пасады, звязаныя з улікам, захоўваннем і распараджэннем матэрыяльнымі каштоўнасцямі, тэрмінам на 5 гадоў.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі27
Каментары