Грамадства44

«Усюды павуцінне, смецце, бруд!» Кіраўнік Мінлясгаса абурыўся беспарадкам у Брэсцкім лясгасе і хоча адклікаць з пенсіі экс-дырэктара

Аляксандр Кулік прыехаў у Брэсткі лясгас з інспекцыяй і ўчыніў кіраўніцтву вымову ў стылі Лукашэнкі. Былым кіраўнікам, здаецца, давядзецца забыцца пра пенсію.

Аляксандр Кулік. Фота: Мінлясгас

Міністр лясной гаспадаркі Аляксандр Кулік наведаў з візітам Брэсцкі лясгас. Перад сустрэчай з работнікамі ён змяніў маршрут і зазірнуў у вытворчыя памяшканні.

Там Кулік выявіў адкрыты беспарадак, піша прэс-служба міністэрства.

«Гэта проста кашмар! Я даўно такога беспарадку не бачыў. Чакалі міністра, генеральнага дырэктара ДВЛГА (Дзяржаўнага вытворчага лясагаспадарчага аб'яднання — прым.) — паўсюль павуцінне, смецце, бруд!» — эмацыйна выказаўся Кулік.

Фота: Мінлясгас

Міністр нагадаў, што калісьці Брэсцкі лясгас быў на добрым рахунку, але цяпер усё чамусьці змянілася.

«Па лясной гаспадарцы нічога не скажу, у цэлым, паказнікі добрыя, працуеце нядрэнна. Але эканоміка і вытворчасць — нікуды не годзіцца! Брэсцкі лясгас — адзіная з устаноў Брэсцкага ДВЛГА, дзе не выканалі гадавы план па выручцы ў мінулым годзе.

Лясны фонд, тэхніка, людзі — усё засталося, як і было. А планавыя паказчыкі па нарыхтоўках выкананыя на 86%, па экспарце лесапрадукцыі — на 93%», — канстатаваў міністр.

Для навядзення парадку Кулік прапанаваў незвычайнае рашэнне: адклікаць з пенсіі былых кіраўнікоў лясгаса і ДВЛГА.

«Трэба адклікаць з пенсіі або Тыцыка Аляксандра Маісеевіча, або Стэльмаха Васіля Сцяпанавіча — былога генеральнага дырэктара ДВЛГА або былога дырэктара Брэсцкага лясгаса! Каб яны дапамаглі маладым дырэктарам наладзіць працэсы», — прапанаваў міністр.

Брэсцкі лясгас узначальвае ў мінулым вопытны і заслужаны ляснічы Ігар Мацюшык. Але Кулік лічыць, што новы дырэктар не можа арганізаваць камандную працу.

Каб выканаць усе свае фінансавыя абавязацельствы, штомесячная выручка Брэсцкага лясгаса павінна складаць не менш за 1 млн. 350 тыс. рублёў. Але пакуль гэтая планка не дасягнута.

Кулік раскрытыкаваў галоўнага ідэолага прадпрыемства за тое, што той не можа навесці парадак і забяспечыць нармальныя ўмовы працы для работнікаў. І паабяцаў кадравыя рашэнні, што павінны змяніць сітуацыю.

Каментары4

  • Барадзед
    31.01.2025
    Продаж нет. Зарплату не платят. Из лесничеств люди бегут со страшной силой. Организовать нормальную работу, чтобы все было нормально, т. е. перпендикулярно или, как в народе говорят, поперек.
  • Андрусь
    31.01.2025
    НН, вычытайце матэрыял. Зноў расіец пісаў? Каго там у лясгасе "паказыталі"? Чаму самі ж расшыфроўваеце скарод "Дзяржаўнае Вытворчае ЛесаГаспадарчае Аб'яднанне", а абрэвіытуру пішаце "ГПЛГА"?
  • Сатурн
    01.02.2025
    Такое сейчас на всех госпредприятиях в стране, а не только там, где он побыл
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У дзень свайго 60-годдзя памёр прапагандыст Юрый Азаронак26

У дзень свайго 60-годдзя памёр прапагандыст Юрый Азаронак

Усе навіны →
Усе навіны

Памёр былы чэмпіён свету па шахматах2

Пропаведзь Z-бацюшкі і рэабілітацыя Паўліка Марозава. Як у Свята-Елісавецінскім манастыры вучаць падлеткаў патрыятызму6

Трамп усё ж уводзіць мыты на тавары з Канады, Мексікі і Кітая6

Адкіды беларускага хімічнага камбіната ўтрымліваюць канцэнтрацыю рэдказёмаў, супастаўную з радовішчамі ва Украіне3

Пуцін: Расія павінна выкарыстоўваць усе магчымасці, каб перашкодзіць спробам сарваць перамовы з ЗША21

Аналітыка Андрэя Паротнікава прыгаварылі да 10 год зняволення1

Трамп працягнуў на год санкцыі супраць Расіі7

У кулінарыі слонімскага супермаркета заўважылі мыш, якая ела пірожнае проста ў вітрыне ВІДЭА12

Пасля ўвядзення новых санкцый ЗША пастаўкі расійскай нафты ў Турцыю абваліліся ў 4 разы

больш чытаных навін
больш лайканых навін

У дзень свайго 60-годдзя памёр прапагандыст Юрый Азаронак26

У дзень свайго 60-годдзя памёр прапагандыст Юрый Азаронак

Галоўнае
Усе навіны →

Заўвага:

 

 

 

 

Закрыць Паведаміць