На Гарадзейскім цукровым камбінаце паставілі рэкорд па велічыні зробленага кубіка рафінаду. Пра гэта расказаў галоўны тэхнолаг ААТ «Гарадзейскі цукровы камбінат» Юрый Хмелінка. Атрыманы прадукт заважыў на 135 кілаграмаў.
Як растлумачыў Хмелінка, да гэтага прадпрыемству ўдалося вырабіць і самы маленькі кубік цукру вагой каля трох грамаў.
«Прыйшла ідэя зрабіць адзін вялікі кубік адразу. Вядома, мы хацелі зрабіць куб метр на метр… Але потым падумалі, што гэта трошкі праблематычна. Гэта ўсё ўручную прыйдзецца рабіць. Яго трэба яшчэ і замачыць, і высушыць у пэўным тэмпературным рэжыме», — расказаў галоўны тэхнолаг.
Ён растлумачыў, што трэба дакладна вытрымаць тэмпературны рэжым пры сушцы. Куб цукру не павінен разваліцца. Неабходна таксама захаваць яго грані і колер. Таму ў выніку было вырашана зрабіць куб у два разы меншы.
Для гэтага заказалі спецыяльную форму. Куб з яе дапамогай рабілі два чалавекі — начальнік вытворчасці і галоўны тэхнолаг.
Цукар засыпалі ў форму яшчэ гарачым. Яго ўвільгатнялі і ўкладалі пласт за пластом. Затым сушылі каля двух тыдняў, і аказалася, што ўся вада пайшла на дно формы.
«У выніку мы гэты цукар потым перавярнулі, яшчэ дасушвалі тыдзень… Потым былі яшчэ, так бы мовіць, «тынкавыя» працы і «малярныя». Гэта значыць, мы зачышчалі яго, шліфавалі акуратненька», — дадаў прадстаўнік камбіната.
У якасці «тынкоўкі» выкарыстоўвалі цукровыя сіроп і пудру. Гэта значыць, што вялікі куб зроблены цалкам з натуральнай сыравіны і прыдатны для ўжывання ў ежу. Але пакуль што яго вырашылі паставіць на бачным месцы на ўваходзе на прадпрыемства.
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары