У нямецкім Мангейме аўтамабіль урэзаўся ў натоўп — ёсць параненыя і памерлыя
У цэнтры Мангейма (зямля Бадэн-Вюртэмберг) аўтамабіль на высокай хуткасці ўрэзаўся ў натоўп людзей у пешаходнай зоне ля гандлёвага цэнтра. Паводле інфармацыі BILD, два чалавекі памерлі, 25 атрымалі раненні.
Як мінімум 15 пацярпелых знаходзяцца ў цяжкім стане.
Карэспандэнт выдання паведаміў, што цела аднаго з памерлых ляжыць на вуліцы пад брызентам.
Паліцыя ачапіла раён і заклікае мясцовых жыхароў пазбягаць цэнтра горада. Паводле звестак BILD, кіроўца машыны ўжо затрыманы.
На выездах з горада дзяжураць паліцэйскія з аўтаматамі, а над цэнтрам Мангейма кружыць верталёт. У аддзяленні інтэнсіўнай тэрапіі ўніверсітэцкай клінікі горада аб'яўлена аварыйная трывога.
Праваахоўнікі пакуль не ўдакладняюць, быў гэта няшчасны выпадак ці наўмысная атака. Відавочцы сцвярджаюць, што ў натоўп урэзаўся чорны пазадарожнік.
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары