«Ні ў якім разе я не рабіў заявы». Келаг зняпраўдзіў словы Лукашэнкі
Спецыяльны прадстаўнік прэзідэнта ЗША Кіт Келаг адрэагаваў на словы Аляксандра Лукашэнкі адносна іх абмеркавання вайны ва Украіне.
Келаг звярнуў увагу на публікацыю ў расійскім выданні «Газета. Ру». Там акцэнт быў зроблены на словы Лукашэнкі, што Келаг нібыта паабяцаў яму «папрацаваць» над тым, каб УСУ не білі па РФ.
«Гэтая цытата вырвана з кантэксту. У маёй размове з Лукашэнкам мы абмяркоўвалі поўнае і безумоўнае спыненне агню. Любыя абмежаванні дзейнасці Кіева былі абумоўлены адэкватнымі ўзаемнымі дзеяннямі з боку Масквы. Ні ў якім разе я не рабіў заявы, звязаныя з вядзеннем Украінай вайны па-за межамі поўнага спынення агню», — напісаў Келаг.
«Газета. Ру» са спасылкаю на БелТА напісала, што Лукашэнка на перамовах з Келагам «давёў да Вашынгтона пазіцыю Масквы па ўрэгуляванні расійска-ўкраінскага канфлікту».
«Адзначаецца, што спецпасланнік прэзідэнта ЗША Кіт Келаг паабяцаў кіраўніку рэспублікі «папрацаваць» над тым, каб Кіеў не наносіў удараў па тэрыторыі Расіі. На думку Лукашэнкі, гэта будзе добры крок да спынення канфлікту», — напісала выданне.
Лукашэнка сустрэўся са спецпасланнікам Трампа Кітам Келагам 21 чэрвеня. Пасля гэтага былі вызваленыя і дэпартаваныя з Беларусі 14 палітвязняў, у тым ліку Сяргей Ціханоўскі.
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары