Упершыню ў Беларусі абітурыенты змогуць падаваць дакументы для паступлення ў ВНУ праз электронную чаргу. Пра гэта 2 ліпеня паведаміў на прэс-канферэнцыі ў Мінску начальнік галоўнага ўпраўлення прафесійнай адукацыі Міністэрства адукацыі Сяргей Пішчоў.
Паводле слоў чыноўніка, зарэгістравацца можна праз асабісты кабінет на сайце Рэспубліканскага інстытута кантролю ведаў (РІКВ). Пасля рэгістрацыі інфармацыя аўтаматычна перадаецца ў абраны ўніверсітэт.
Такі фармат увялі, каб скараціць час чакання пры падачы дакументаў і дазволіць ВНУ лепш арганізаваць прыём. Гэта асабліва актуальна ў першыя і апошнія дні прыёмнай кампаніі.
У той жа час застаецца магчымасць падаць дакументы ў звычайным парадку — у жывой чарзе, як і раней.
Пішчоў таксама паведаміў, што сёлета плануецца прыняць 48,2 тысячы студэнтаў, з іх 31,8 тысячы — на бюджэт (гэта на 400 больш, чым летась).
У той жа час у Беларусі ўсё яшчэ няма магчымасці праз адзін анлайн-партал падаваць дакументы ў некалькі ВНУ адразу — як гэта зроблена ў некаторых еўрапейскіх краінах. Хоць такая ініцыятыва абмяркоўвалася, пакуль поўнасцю лічбавую сістэму не ўдалося ўкараніць з-за арганізацыйных і тэхнічных цяжкасцяў.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары