Грамадства33

Беларуска расказала, колькі заплаціла, каб хутчэй даехаць да Польшчы на аўтобусе

Беларуска падрабязна расказала ў тыктоку пра чаргу на мяжы Беларусі з Польшчай 1 ліпеня. «Разлічвайце гадзін на 30 мінімум», — раіць яна ўсім, хто падарожнічае на аўтобусах.

Пункт пропуску «Брэст». Ілюстрацыйнае фота: Беларуская мытня

Жанчына выехала з Мінска 30 чэрвеня з затрымкай: замест 20-й гадзіны — а 22-й.

«На мяжы мы былі ў дзве гадзіны ночы (1 ліпеня). Не заязджалі ў Брэст і Баранавічы. Аўтобус быў паўпусты. На мяжы мы былі 65-я ў чарзе (калі хто разумее, гэта нават не даязджаючы да запраўкі). Мне стала зразумела, што трэба перасаджвацца».

Беларуска ўзяла з сабой валізку і пайшла шукаць у чарзе іншы аўтобус Ecolines: кампанія дазваляе перасаджвацца з аднаго буса ў іншы абсалютна бясплатна. Па выніку яна натыкнулася на адзін аўтобус, які стаяў 10-м у чарзе.

«Але кіроўца сказаў, што ён возьме на падсадку толькі тады, калі будзе другім ці трэцім. Атрымліваецца, было два варыянты: ці ты стаіш на вуліцы і чакаеш, калі паедзе гэты аўтобус (а гэта можа быць і пяць гадзін, і сем), ці ты, як дурны, ходзіш з гэтай валізкай ад 65-га да 10-га аўтобуса, правяраючы, калі той стане другім ці трэцім)».

Па выніку жанчына «плюнула» і пайшла ў пачатак чаргі, сеўшы ў другі аўтобус.

«Цана пытання — 50 даляраў. Пасля мы пастаялі хвілін 20 і заехалі да беларусаў. Сам пашпартны кантроль прайшлі досыць хутка, але гадзіны тры проста стаялі, каб пад’ехаць да моста».

Далейшае перасоўванне ўжо на польскім боку зацягнулася яшчэ на чатыры гадзіны.

«Але калі вы будзеце стаяць і не перасаджвацца, разлічвайце гадзін на 30 мінімум».

У тэматычных чатах пішуць, што ў лепшым выпадку ўсё можа абысціся суткамі. Але частка пасажыраў вырашае самастойна паскорыцца і таксама аддае каля 50 даляраў за перасадку ў аўтобусы наперадзе.

Выязджаючы з Польшчы ў Беларусь, таксама трэба трымаць у галаве затрымкі. Вось што напісаў адзін з пасажыраў у тэматычным чаце:

Да адпачынкавай і канікульнай нагрузкі на памежны пункт «Брэст» дадаўся фактар рамонту: 30 чэрвеня там пачаліся планавыя працы па добраўпарадкаванні асфальтабетоннага пакрыцця (яны працягнуцца да 14 ліпеня).

Тыя ж, хто ехаў 1 ліпеня ў Літву, дзеляцца, што з выездам у 6.35 раніцы былі ў Вільні пасля 14.00.

На праходжанне беларуска-латвійскай мяжы сёння ў людзей сышло дзве гадзіны на абодва бакі.

З аўтамабільным рухам справы традыцыйна горш: многія, хто быў зарэгістраваны ў чарзе 27 чэрвеня, былі выкліканыя на беларуска-польскую мяжу толькі 1 ліпеня. Агульны час чакання склаў больш за чатыры дні. За пазачарговы праезд на аўто просяць ужо 200 еўра.

На праходжанне беларуска-літоўскай мяжы таксама лепш закладаць мінімум палову дня.

Каментары3

  • Морозов А.
    02.07.2025
    (предатели) сами создают эту очередь перебегая в передние автобусы. По факту люди лезут на границу без очереди , в очереди стоят ппустые автобусы, перевозчики потирают потные ладошки, министерства транспорта, и безопасности движения дремлют в своих креслах.
  • вася
    02.07.2025
    беларусы стражданный народ(((
  • Эдем
    05.07.2025
    Сама процедура прохождения паспортного контроля минут 15 автобуса, а вот попасть туда ожидаете часами, непонятно.

Цяпер чытаюць

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Усе навіны →
Усе навіны

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

больш чытаных навін
больш лайканых навін

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць