Двухрублёвую манету прадаюць на аўкцыёне за 490 рублёў. Чаму так дорага?
На інтэрнэт-аўкцыёне ay.by з'явіўся незвычайны лот: манета наміналам 2 беларускія рублі выстаўленая на продаж за 490 рублёў. Гэта ў 245 разоў даражэй за яе намінальны кошт. Прычына такой высокай цаны — магчымы чаканачны брак: у манеты зрушаная цэнтральная ўстаўка, піша «Анлайнер».
Журналісты звярнуліся да нумізмата, каб зразумець, ці сапраўды гэтая манета каштуе тых грошай, якія за яе просяць. Але той выказаў сумневы ў сапраўднасці браку.
«Гэтая манета выклікае вельмі шмат пытанняў. Калі тут брак, зрушэнне цэнтральнай устаўкі, то гэта, з аднаго боку, выдатны лот для калекцыянера. Але выклікае шмат пытанняў стан манеты і дэфармацыя цэнтральнай устаўкі (выпукласць).
Улічваючы такую сур'ёзную дэфармацыю цэнтральнай устаўкі, пытанне: як гэтая манета змагла быць у абарачэнні, што стала такой зношанай? Бо калі б яна была першапачаткова такой на манетным двары, яе б ніколі не выпусцілі ў абарачэнне. Тады пытанне: якім чынам яна апынулася ў прадаўца?»
Апісання падрабязнасцяў у лоце не маецца, прадавец без водгукаў на пляцоўцы. Ёсць вельмі высокая рызыка, што гэты брак атрыманы механічным уздзеяннем, і тады такая манета не мае каштоўнасці.
І яшчэ пытанне: чаму прадавец ставіць фіксаваную цану? Звычайна такія лоты выстаўляюцца шляхам «таргоў» і стартуюць з мінімальнай цэны.
Аўкцыён завершыцца 29 сакавіка, але ці аддасць хтосьці паўтысячы рублёў за такую манету — пытанне адкрытае.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары