Былы ўдзельнік вайны з Украінай згвалціў і забіў сямікласніцу ў Цвярской вобласці
Дзіця некалькі дзён шукалі сотні валанцёраў, піша Astra.
Раней судзімы за згвалтаванне і забойства вайсковец УС РФ 34-гадовы Аляксандр Сяргееў вярнуўся з вайны і згвалціў 13-гадовую сямікласніцу ў Цвярской вобласці.
13-гадовая Віялета знікла 21 сакавіка 2025 года. Былі арганізаваны маштабныя пошукі. 29 сакавіка праваахоўныя органы паведамілі, што цела дзяўчынкі знойдзена ў лясным масіве.
Афіцыйна паведамлялася аб затрыманні злачынца, але яго асоба і той факт, што ён удзельнік ўварвання РФ ва Украіну ў складзе УС РФ, не паведамляліся.
30 сакавіка суд заключыў яго пад варту, паведаміла пракуратура Цвярской вобласці.
«Прывабіў у аўто, згвалціў і задушыў», — пісала выданне «Рен-ТВ» пра забойства дзіцяці.
1 красавіка Віялету пахавалі. «На цырымонію развітання прыйшлі ўсе мясцовыя жыхары, што змаглі знайсці час. Прыехалі тыя, хто ўдзельнічаў у пошуках. Сябры забітай дзяўчынкі. Плошча перад ДК была запоўненая людзьмі. Гэтая трагедыя не пакінула абыякавым нікога», — пісалі мясцовыя СМІ.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»13
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
Тут галоўнае што ён серыйны гвалтаўнік і забойцы! Калі б судзілі ў Беларусі паставілі б да сценкі.