У горадзе Кулдзіга, што на захадзе Латвіі, паліцэйскі патруль затрымаў бабра, які згубіўся ў халодную і дажджлівую ноч і блукаў па вуліцах.
Як распавёў інспектар Аўгуст Тэцерыс, падчас звычайнага патрулявання па горадзе ў паліцэйскі фургон трапіў нечаканы госць з вялікім хвастом, піша Delfi.lv.
У момант здарэння на вуліцах ліў моцны дождж. Паліцэйскія заўважылі маладога чалавека, які нешта здымаў на відэа. Гэта здалося ім падазроным, і яны спынілі машыну. Пры бліжэйшым аглядзе выявілася, што жывёліна выглядае разгубленай, вельмі стомленай і соннай, аднак не праяўляла агрэсіі.
«Мы планавалі проста правесці яго ў парк, але потым задума́ліся: а што ён будзе рабіць далей? Так і вырашылі — затрымаць бабра», — патлумачыў Тэцерыс.
Ён дадаў, што ўжо меў досвед з грызунамі і ведае, як іх лавіць: «Трэба схапіць за хвост і падняць вертыкальна — тады яны не могуць укуcіць. Так мы яго і злавілі, а потым пасадзілі ў адсек для затрыманых».
«Бабры жывуць у строга вызначанай мясцовасці і звычайна не блукаюць без мэты. Але калі побач з жыллём не хапае ежы, адзін з баброў можа адправіцца на яе пошукі», — тлумачыць навуковец Яніс Озаліньш. На яго думку, бабёр, які забрыў у Кулдзігу, мог быць тым самым, хто пакінуў сям’ю, таму і выглядаў стомленым, разгубленым і досыць смелым, каб знаходзіцца побач з людзьмі.
Пры сустрэчы з бабрамі варта захоўваць асцярожнасць — жывёліны могуць нападаць, а іх укусы вельмі балючыя з-за вострых зубоў. У Даўгаўпілсе ўжо фіксаваліся выпадкі, калі людзі атрымлівалі глыбокія раны ад бабровых укусаў. Паліцыя папярэджвае: не варта спрабаваць самастойна вывозіць баброў з горада.
У Кулдзізе раней баброў не назіралі. Затрыманая жывёліна была паліцыяй вывезеная за межы горада.
Цяпер чытаюць
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай6
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары