Ёй было 79 гадоў.
У нядзелю, 4 мая, памерла шматгадовая вядоўца савецкага і беларускага радыё і тэлебачання Кацярына Ягорава (Несцяровіч), піша «Люстэрка».
Кацярына Несцяровіч (пасля замужжа — Ягорава) нарадзілася 21 сакавіка 1946 года ў вёсцы Буі Лёзненскага раёна Віцебскай вобласці. Выхоўвалася маці і бабуляй. Пасля заканчэння школы працавала прадаўцом, бухгалтарам, сакратаром райвыканкама, лабаранткай у хімічнай лабараторыі, паралельна ўдзельнічала ў канцэртах самадзейнасці.
Па запрашэнні знакамітага беларускага хормайстра Генадзя Цітовіча, хор якога аднойчы выступаў у Лёзна, пераехала ў Мінск і стала спачатку вядучай канцэртаў хору, а пасля — яго салісткай.
У 1975 годзе на Беларускім тэлебачанні адбыўся конкурс дыктараў, дзе з 150 прэтэндэнтаў выбралі двух, сярод іх была і Кацярына. У красавіку 1976 года яна ўпершыню выйшла ў эфір і агучвала навіны больш за 20 гадоў.
Таксама яна вяла на тэлебачанні праграму «Запрашаем на вячоркі», прысвечаную фальклору.
Паралельна з 1989 года Ягорава працавала дыктарам на Беларускім радыё. Яна таксама была вядучай радыёканала «Культура» і канцэртнай залы Белдзяржфілармоніі.
Пасля сыходу з радыё (гэта здарылася ў другой палове нулявых, як мяркуюць сябры вядучай, да 2010 года) Ягорава працавала над агучкай аўдыякніг. Напрыклад, у яе выкананні можна пачуць «Людзі на балоце» Івана Мележа. Таксама яна агучвала творы Янкі Брыля і Алеся Адамовіча.
-
У Заслаўі над руінамі брамы XVI стагоддзя пабудуюць навес. Што вядома пра ўнікальны аб'ект і чаму прапанаваны праект — бессэнсоўны і шкодны
-
На могілках у Мінску знеслі старыя крыжы і агароджы. Замест іх ставяць безаблічныя бетонныя падгалоўнікі
-
Да саракавінаў памяці Святланы Курс апублікавана раней не друкаванае яе эсэ «СССР як калыска і магіла»
Цяпер чытаюць
Telegram выдаліў свой афіцыйны беларускі канал — верагодна, каб не падстаўляць людзей. Але многія паспелі падставіцца8
Каментары
Дасканалая.
Светлая памяць