Рэшта бульбы ў стабілізацыйных фондах Беларусі на сёння складае 5,9 тыс. тон. Аб гэтым паведаміў міністр сельскай гаспадаркі і харчавання Юрый Горлаў.
Усяго ў мінулым годзе ў сельгасарганізацыях і фермерскіх гаспадарках краіны вырасцілі 758,3 тыс. тон бульбы. З іх 48 тыс. тон заклалі ў стабфонды. Гэта, як адзначае кіраўнік Мінсельгасхарчу пакрывае патрэбы гандлю, якія разлічыў МАРГ.
Пры гэтым у запасах застаецца яшчэ 5,9 тыс. тон бульбы. Менавіта астаткі стабфондаў, а таксама лішкі насеннай бульбы неабходнай харчовай каліброўкі стануць асноўнымі крыніцамі напаўнення ўнутранага рынку.
Юрый Горлаў адзначыў, што ў гэтым годзе ў міжсезонне сельгаспрадпрыемствы паставілі ў крамы 78,3 тыс. тон бульбы. Гэта больш чым у паўтары разы перавышае заяўленую патрэбу. Акрамя таго, для задавальнення попыту рэгіёны гатовы адгрузіць яшчэ 2,4 тыс. тон бульбы. Для аператыўнага вырашэння пытанняў гандлёвыя сеткі ўзаемадзейнічаюць з рэгіёнамі. Пры гэтым, па словах кіраўніка Мінсельгасхарчу, для ўсіх — ад вытворцы да спажыўца — будзе выпрацаваная дакладная дарожная карта.
Паводле даных МАРГ, патрэба гандлёвых сетак у бульбе цяпер складае 2,1 тыс. тон.
У ведамстве дадалі, што, улічваючы рост патрэбы ў бульбе, аблвыканкамы вырашылі павялічыць плошчы яе пасадкі пад ураджай 2025 года на 3 тыс. га, то бок з 16,8 тыс. да 19,7 тыс. га.
Каментары
5900 000: 9100 000 = 0.648 тон на 1 беларуса.
Да маладой бульбы чакаць яшчэ 1.5 месяцы. (Па касмічнай цане). І 2 месяцы чакаць маладой бульбы па нармальнай цане. А ўстановы грамадскага харчавання кормяць старой маладая ўжо паявілася.
Марг сцвярджае, што на кожнага беларуса засталося па 648 кг бульбы.
Падзелім на 2 месяцы (60 дзён), да 7 ліпеня.
648:60=10 кг.
Падзелім на 3 месяцы (90 дзён), да 7 жніўня.
648:90=7.2 кг у дзень на кожнага беларуса.
Пытанне: Дзе мае 7 кіло бульбы па 1р.40к. у дзень. Хто з'еў? Куды вывозяць? Каму прадаюць?