Пуцінскія «Начныя ваўкі» пасадзілі ў Брэсце арэшнік у межах акцыі «Рускі лес»
Расійскія байкеры заявілі, што гэта — напамін тым, хто «адраджае карычневую чуму».
Расійскія праўладныя байкеры з клуба «Начныя ваўкі» правялі ў Брэсце акцыю «Рускі лес».
Яны пасадзілі на тэрыторыі Генеральнага консульства Расіі саджанцы арэшніку, якія прывезлі з сабой.
«Матацыклісты разам з дыпламатамі высадзілі на тэрыторыі Генконсульства саджанцы арэшніку, прывезенага з Расіі як напамін тым, хто адраджае «карычневую чуму» XXI стагоддзя», — заявілі ў расійскім дыппрадстаўніцтве.
Байкеры таксама ўзялі ўдзел у шэсці «Несмяротны полк», якое сёлета ўлады Беларусі ўпершыню за доўгі час дазволілі правесці.
«Арэшнікам» назвалі новую расійскую балістычную ракету сярэдняй далёкасці. Лукашэнка і Пуцін, здаецца, дамовіліся аб яе размяшчэнні ў Беларусі, аднак пакуль гэтага не адбылося.
«Начныя ваўкі» з’явіліся яшчэ ў часы позняга СССР. Клубам кіруе адыёзны байкер Аляксандр Залдастанаў па мянушцы «Хірург». Пад яго кіраўніцтвам «Начныя ваўкі» ператварыліся ў інструмент расійскай прапаганды.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары
Не там сажаете,дблы. [Рэд. Выдалена]
[Зрэдагавана]