Рабочая партыя Курдыстана паведаміла пра рашэнне спыніць узброены канфлікт з Турцыяй і самараспусціцца, паведамляе агенцтва Rudaw.
«РПК (Рабочая партыя Курдыстана) робіць толькі найлепшае для курдаў. Сучасны мірны працэс лепшы за ўчорашнюю вайну РПК. Калі РПК працягне змагацца, яна нашкодзіць самой сабе», — цытуе Rudaw былога члена кіраўніцтва партыі Халіла Атаджа.
27 лютага лідар гэтай радыкальнай курдскай партыі Абдула Аджалан, які ўжо больш за чвэрць стагоддзя знаходзіцца ў турэцкай турме, заклікаў сваіх прыхільнікаў скласці зброю і спыніць дзейнасць. Ён таксама звярнуўся да кіраўніцтва Турцыі з заклікам «праявіць павагу да этнічных меншасцяў, свабоды выказвання меркаванняў і права на дэмакратычную самаарганізацыю».
Рабочая партыя Курдыстана, што некалькі дзесяцігодддзяў змагалася з Турцыяй, занесеная ў спіс тэрарыстычных арганізацый у Турцыі, у Еўрапейскім Саюзе і ЗША. З 1984 года арганізацыя вядзе баявыя дзеянні з Турцыяй, патрабуючы стварэння аўтаноміі для курдаў.
-
ЗША ўводзяць новы візавы збор у $250 — цана візы вырасце ўдвая
-
Уплыў Меланіі Трамп на мужа быў недаацэнены. Украіна атрымала нечаканага саюзніка ў яе асобе
-
«Маленькая паслуга беларускім уладам». Дэпутаты «Альтэрнатывы для Германіі» зрабілі запыт свайму ўраду пра фінансаванне «Байсола» і беларускіх палітвязняў
Каментары