Увечары 6 лютага 2026 года на знакамітым міланскім стадыёне «Сан-Сіра» адбылася ўрачыстая цырымонія адкрыцця XXV зімовых Алімпійскіх гульняў, якая распачала больш чым двухтыднёвае спартыўнае свята ў Мілане і Карціна-д’Ампеца.
Акрамя галоўнай цырымоніі ў Мілане, паралельныя ўрачыстыя мерапрыемствы адбываліся ў гарадах Прэдаца, Лівінья і Карціна-д'Ампеца — месцах, дзе пройдуць алімпійскія спаборніцтвы.
Цырымонію ў Мілане адкрыла выступленне артыстаў балету тэатра «Ла Скала».
Арганізатарам цырымоніі выступіла кампанія Balich Wonder Studio, кіраўнік якой Марка Баліч спрадзюсіраваў 14 алімпійскіх цырымоній. Як і заўсёды у падобных выпадках, арганізатары выкарыстоўвалі адсылкі да сімвалаў і культуры Італіі.
Упершыню ў гісторыі былі ўсталяваныя адразу дзве чашы з алімпійскім агнём: адна размешчаная ў Мілане на Арцы Міру, а другая — у Карціна-д’Ампеца на П’яца Дзібона, у самым сэрцы горада ў гарах.
Гульні працягнуцца да 22 лютага. У іх удзельнічаюць каля 2900 спартсменаў з усяго свету. Беларускіх удзельнікаў сямёра, усе яны жанчыны і выступаюць, як і расійскія спартсмены, у нейтральным статусе. У парадзе нацыянальных камандаў, прадстаўленых на гульнях, беларусы, як і на летніх Алімпійскіх гульнях у Парыжы ў 2024 годзе, не ўдзельнічалі.
Расклад спаборніцтваў беларускіх спартоўцаў на Алімпіядзе-2026
Форма зборнай Гаіці выклікала сапраўдны фурор на Зімовых Алімпійскіх гульнях. Але яе ледзь не забаранілі
Дзе беларусам глядзець Алімпіяду, бо не ўсё так добра
Джэй Дзі Вэнс прыляцеў на Алімпіяду ў Мілан з флотам з 14 самалётаў і картэжам з 100 аўтамабіляў
Каментары
На наступных Алімпіядах абавязкова залунае на бела-чырвона-белы сцяг!