Падчас абмену палоннымі вызвалілі былога беларускага вайскоўца Генадзя Шчэрбаня, якога Расія ўтрымлівала амаль чатыры гады
Падчас абмену палоннымі, які Украіна і Расія правялі 5 лютага, вызвалілі былога беларускага вайскоўца Генадзя Шчэрбаня. Ён правёў у расійскім палоне амаль чатыры гады. Пра гэта ў сацыяльных сетках напісала яго дачка Наталля Пятровіч, заўважыла «Радыё Свабода».
Генадзю Шчэрбаню 57 гадоў. Ён этнічны ўкраінец. На пачатку 1990‑х яго як вайскоўца перавялі служыць у Беларусь — у Брэсцкую, потым у Гродзенскую вобласць. У 2000 годзе Шчэрбань пайшоў у адстаўку ў званні маёра. У 2017‑м разам з жонкай зноў паехаў жыць ва Украіну, у Гастомель пад Кіевам. Шчэрбань — грамадзянін Беларусі, ва Украіне мае пастаянны дазвол на жыхарства.
Апошні раз перад палонам Генадзь Шчэрбань выходзіў на сувязь 16 сакавіка 2022 года. Прыгарад Кіева ўжо акупавалі расійскія войскі. У Гастомелі заставаліся трое жыхароў. Шчэрбань заставаўся ў пасёлку прыгледзець за хворай пажылой суседкай. 16 сакавіка ён пайшоў карміць жывёлу і не вярнуўся ў дом. Пазней вызваленыя з палону ўкраінцы расказалі родным, што Генадзь Шчэрбань знаходзіцца ў палоне.
У 2023 годзе дачка Генадзя Шчэрбаня расказвала «Радыё Свабода» пра спробы вярнуць бацьку праз Беларусь.
Цяпер чытаюць
З псіхбальніцы збег былы начальнік Ганцавіцкай міліцыі14
Каментары