Ціханоўская расказала, кім бы хацела працаваць, каб не здарыўся 2020 год
Дэмакратычная лідарка Беларусі завітала на праект «Ператром з Халезіным». Што праўда, запіс праграмы адбыўся не на кухні ў Мікалая Халезіна, а ў рэстаране ў Варшаве. Яны елі мядовік.
Мікалай Халезін спытаў Святлану Ціханоўскую, кім бы яна хацела быць, каб не здарыўся 2020 год.
Святлана ў 2020‑м не працавала, глядзела дзяцей, асабліва шмат увагі патрабаваў сын Карней, які меў праблемы са слыхам. Але дзеці падраслі, а што далей, спытаў Мікалай Халезін.
«Я была б настаўніцай», — адказала Ціханоўская і патлумачыла: «Ты ведаеш, я не дастаткова амбіцыйная. У мяне няма ніякіх звышідэй. Сяргей ён такі рухавік».
«Але з тваёй працаздольнасцю ты б дабілася поспехаў», — запярэчыў Мікалай.
«Але я не маю такіх амбіцый, — паўтарыла Святлана Ціханоўская. — Я такі чалавек, якому добра, калі людзям добра, каб усім было зручна і добра. Я шмат укладвалася ў дзяцей. Вясной 2020 года, калі быў кавід, я стала выкладаць у адной анлайн-школе англійскую мову, надзвычай любіла, а я ж адказная. У мяне ж быў перапынак 10 гадоў, потым дала нейкае дэбільнае інтэрв'ю, а затым давяла ўрок, бо была вельмі адказная. І тады была ўпэўненая, калі яшчэ Сяргея не пасадзілі, што з верасня пачну працаваць, увайду ў рабочы рытм».
Святлана Ціханоўская скончыла ў 2004 годзе Мазырскі дзяржаўны ўніверсітэт па спецыяльнасці «замежныя мовы» (англійская, нямецкая).
Цяпер чытаюць
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары
Pryklad uzajemnaha "abahaščennia" viedami, ad nastaūnicy - vučniam, alie i ad vučniaū nastaūnicy nieštačka pieradalosia... :))))
Tamu ja i kazaū, mova palitykaū/ mova dyplamatyi pieražyvaje renesans. :)