Рыбак патануў у аўтамабілі ў Мазырскім раёне, другі паспеў выбрацца
Два жыхары Лельчыцкага раёна (32 і 38 гадоў) 11 мая на аўтамабілі «Ніва» паехалі на рыбалку ў Мазырскі раён. Мужчыны размясціліся на правым беразе ракі Прыпяць паблізу вёскі Шаставічы, паведамляе СК.
Фота: СК
Падчас рыбалкі мужчыны ўжывалі спіртное. На начлег яны засталіся ў аўтамабілі. «Ніва», якая стаяла пад ухілам, самастойна з’ехала ў раку. Старэйшаму мужчыну ўдалося выбрацца з салона і выратавацца. Малодшы патануў. Выжылы рыбак дабег да бліжэйшай вёскі і выклікаў ратавальнікаў.
На месцы здарэння працуе следча-аператыўная група з прыцягненнем супрацоўнікаў МНС і Таварыства выратавання на водах. Вадалазы дасталі аўтамабіль з вады.
Каментары