Малдаванін вёз праз Беларусь у Расію 2 тысячы еўрапейскіх сім-картак
13 мая беларускія мытнікі затрымалі грамадзяніна Малдовы, які спрабаваў незаконна правезці ў Расію больш за дзве тысячы SIM-картак еўрапейскіх аператараў. Пра гэта паведаміў Дзяржаўны мытны камітэт Беларусі.
Паводле мытнікаў, гэтыя SIM-карткі планавалася выкарыстоўваць на тэрыторыі Еўразійскага эканамічнага саюза для махлярства і іншых супрацьпраўных дзеянняў.
Мужчына ехаў з Літвы праз пункт пропуску «Каменны Лог» на легкавым аўтамабілі. Пры перасячэнні мяжы ён заявіў, што ўвозіць машыну часова і не мае з сабой тавараў, якія трэба дэклараваць.
Аднак падчас праверкі мытнікі выявілі, што ён схаваў SIM-карткі ў пакеце, загорнутым у ручнік і пакладзеным на дно інструментальнай скрыні — у надзеі, што іх успрымуць як асабістыя рэчы. Агулам было знойдзеныя карткі аператараў з Польшчы, Фінляндыі і Эстоніі на суму каля 8 тысяч еўра.
У дачыненні да парушальніка складзены адміністрацыйны пратакол паводле ч. 2 арт. 15.1 Кодэкса аб адміністрацыйных правапарушэннях — за спробу правезці тавары праз мяжу са спробай іх утаіць. Артыкул прадугледжвае штраф да 30 базавых велічынь і магчымую канфіскацыю схаваных тавараў.
Таксама паведамляецца, што атрымальнік SIM-картак у Расіі ўжо ўстаноўлены.
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары