Звычайны перакус сухафруктамі можа абярнуцца сур'ёзнымі праблемамі са здароўем. Пра гэта заявіла старшы выкладчык кафедры біятэхналогіі і прамысловай фармацыі Расійскага тэхналагічнага ўніверсітэта МІРЭА Марыя Залатарова.
Паводле яе слоў, у працэсе транспарціроўкі і захавання сухафрукты могуць забрудзіцца. Акрамя таго, на паверхні прадуктаў могуць застацца рэшткавыя пестыцыды, якія выкарыстоўваліся пры вырошчванні пладовых раслін, піша «Мінская Праўда».
«Для захавання таварнага віду прадукцыі дазволена апрацоўваць разынкі і іншыя сухафрукты сярністым ангідрыдам — E220. Пры парушэнні ўмоў захоўвання ў прадукце могуць развівацца плесневые грыбы і назапашвацца іх таксіны, якія здольныя выклікаць атручванні. Не варта забываць і пра тое, што звычайныя механічныя забруджванні таксама непазбежна назапашваюцца на паверхні сухафруктаў пры адкрытым продажы», — патлумачыла эксперт.
Каб не атруціцца, варта ўважліва ацэньваць знешні выгляд сухафруктаў. Марыя Залатарова патлумачыла, што натуральныя і неапрацаваныя прадукты маюць матавую паверхню і натуральныя адценні. Калі сухафрукты маюць дзіўны колер ці глянцавы бляск, то, хутчэй за ўсё, яны падвергліся хімічнай апрацоўцы для паляпшэння таварнага выгляду.
Перад ужываннем сухафрукты неабходна замачыць у халоднай вадзе на 15—30 хвілін, што дапаможа ачысціць паверхню пладоў ад забруджванняў. Далей неабходна старанна прамыць прадукты пад праточнай вадой і ў завяршэнне спаласнуць кіпячонай вадой.
«У выпадках моцнага забруджвання можна выкарыстоўваць слабы содавы раствор — палова чайнай лыжкі на літр вады — з абавязковым наступным дбайным прамываннем», — склала біёлаг.
Цяпер чытаюць
Зміцер Дашкевіч сказаў, што трэба рабіць беларусам зараз, каб краіна стала свабоднай і незалежнай11
Каментары