Грамадства33

Загадкавая 8-метровая металічная скульптура з'явілася ў Валожыне

У цэнтры Валожына Мінскай вобласці ўстанавілі металічную скульптуру вышынёй 8 метраў, якая паказвае ці то рыцара, ці то волата. Дакладная назва і прысвячэнне помніка пакуль застаюцца загадкай, што толькі падагрэла цікавасць мясцовых жыхароў і карыстальнікаў інтэрнэту, піша Telegraf.news.

Відэа працэсу ўстаноўкі манумента з’явілася ў TikTok валожынскай раённай газеты «Працоўная слава» і ў Instagram, выклікаўшы хвалю самых розных рэакцый — ад захаплення да крытыкі.

Карыстальнікі сацсетак падзяліліся на два лагеры ў ацэнцы новага арт-аб’екта. Адны пісалі: «Сіла і моц Валожына!»

@valozhin.by_psl #воложин #працоунаяслава #артобъект #годблагоустройства #беларусь ♬ оригинальный звук - Працоуная слава

Аднак некаторыя карыстальнікі TikTok выказалі незадаволенасць тым, што грошы трацяцца на арт-аб’екты, а не на надзённыя гарадскія праблемы.

«Колькі можна траціць дзяржаўныя грошы туды, куды не трэба. Хапае недаробак, лаўкі абнавіць ці пафарбаваць, і сметніц няма каля прыпынкаў», — напісала адна з падпісчыц.

«Насупраць дзіцячы садок. Будуць дзяцей пужаць жалезным монстрам. Уяўляю, колькі ён каштуе», — выказаў здагадку іншы карыстальнік.

Некаторыя каментатары працягвалі хваліць пазітыўныя змены ў раённым цэнтры: «Вельмі люблю наш горад!! З кожным годам ён усё лепей!»

Адзін з гледачоў, відаць, не мясцовы, намякнуў, што ў горадзе, акрамя скульптур, не хапае яшчэ шмат чаго.

«Прыехалі неяк у Валожын у кінатэатр, у вас там стаянкі наогул ёсць? А сметніцы, бычок няма куды выкінуць… Горад змяніўся, але ўсё так непрадумана…» — напісаў падпісчык.

Дарэчы, пакуль гарадскія ўлады не раскрываюць інфармацыі пра тое, каму прысвечана скульптура.

Карыстальнікі выказалі розныя версіі.

«Хто гэта? Князь Міндоўг?» — спытаў адзін з гледачоў. Іншы выказаў здагадку, што гэта «помнік Грэгары Клігану, ахоўніку Серсэі Ланістэр».

Яшчэ адзін спытаў пра ўменні скульптуры, відавочна намякаючы на нешта: «А ён лазерам з вачэй страляе?»

«Прачытала ўсе каментары і, як заўсёды, два лагеры: вось нельга дагадзіць. Паставілі — дрэнна, не паставілі б — і лаўкі няма, і сметніцы няма, і цішыня, і дабрабыт. Трэба рабіць высновы», — падсумавала абмеркаванне адна з каментатарак у TikTok.

Пакуль застаецца загадкай, ці стане новы арт-аб’ект візітнай карткай Валожына або прадметам пастаянных спрэчак.

Каментары3

  • ля
    02.06.2025
    ілля мурамец?
  • Собака Эўропы
    02.06.2025
    Гэта "ненагібаемы".
  • даведка
    02.06.2025
    Муралами с изображением лесника и девочки уже загадили дома во всех городах.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць15

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай29

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі13

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 20

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць