У Расіі цяпер могуць пераследаваць за экзамен па англійскай мове IELTS
Арганізатара экзамену, British Council, у Расіі прызналі «непажаданай» арганізацыяй, піша «Руская служба Бі-бі-сі».
Генпракуратура Расіі сцвярджае, што British Council пад выглядам «адукацыйнай і культурніцкай дзейнасці» прасоўвае «доўгатэрміновыя інтарэсы і каштоўнасці ў сферы адукацыі, культуры і маладзёжнай палітыкі».
Акрамя таго, сцвярджае ведамства, арганізацыяй «актыўна прапагандуецца і падтрымліваецца забаронены ў нашай краіне ЛГБТ-рух».
Як піша «Руская служба Бі-бі-сі», статус «непажаданай» арганізацыі можа значыць крымінальную адказнасць для тых, хто, напрыклад, здае экзамен IELTS па англійскай мове.
Нават за распаўсюд адукацыйных матэрыялаў для падрыхтоўкі да гэтага экзамена можа пагражаць штраф у 15 тысяч расійскіх рублёў (амаль 190 даляраў).
British Council — грамадская арганізацыя, падсправаздачная МЗС Вялікабрытаніі. Яна падтрымлівае навучанне англійскай мовы, фінансуе міжнародныя адукацыйныя праграмы і развівае культурныя сувязі паміж Вялікабрытаніяй і іншымі краінамі. Працуе больш чым у 200 краінах.
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары