У аварыі на Гомельшчыне загінула 14-гадовая дзяўчына. 20-гадовы кіроўца спрабаваў уцячы
Кіроўца не меў вадзіцельскіх правоў.
Сёння ноччу ў вёсцы Дуброва Жыткавіцкага раёна (Гомельская вобласць), паводле папярэдняй інфармацыі, 20-гадовы кіроўца Volkswagen на закругленні дарогі не справіўся з кіраваннем і з'ехаў на абочыну.
Аўтамабіль перакуліўся, загінула 14-гадовая дзяўчынка-пасажыр.
Кіроўца-бяспраўнік уцёк, але хутка быў затрыманы, паведамляе МУС.
Пры здзяйсненні дарожна-транспартнага здарэння кіроўца абавязаны заставацца на месцы, аказаць дапамогу пацярпеламу, не перамяшчаць транспартны сродак і прадметы, якія маюць дачыненне да таго, што здарылася, паведаміць аб тым, што адбылося ў міліцыю і хуткую дапамогу.
Каментары