На жыхара Навагрудка завялі крымінальную справу за тое, што намаляваў старажытнаегіпецкі сімвал на капліцы
Навошта мужчына нанёс яго на хрысціянскія будынкі, не паведамляецца.
38-гадовы мужчына з Навагрудка стаў фігурантам крымінальнай справы пасля таго, як нанёс старажытнаегіпецкі сімвал на капліцу-усыпальню роду Заборскіх у вёсцы Мотча, а таксама на купель каля святога крыніцы.
Шкоду Навагрудская епархія ацаніла ў суму 1300 рублёў.
У дачыненні да мужчыны распачатая крымінальная справа за «апаганьванне збудаванняў і псаванне маёмасці». Максімальнае пакаранне — да 2 гадоў пазбаўлення волі, паведамляюць гродзенскія міліцыянты.
Што такое анх? Гэта старажытнаегіпецкі сімвал жыцця, які выглядае як крыж з пятлёй уверсе. Ён таксама вядомы як «ключ жыцця» і лічыўся свяшчэнным знакам, які сімвалізаваў у старажытных егіпцян вечнае жыццё і бессмяротнасць, ахову і сілу, адраджэнне і здароўе.
У сучаснасці анх выкарыстоўваецца ў эзатэрыцы, мастацтве, а таксама як дэкаратыўны элемент.
Навошта мужчына нанёс яго на хрысціянскія будынкі, не паведамляецца.
Цяпер чытаюць
Што вядома пра экс-афіцэра Службы бяспекі Лукашэнкі Андрэя Спасава, якога пасадзілі за палітыку1
Каментары