Лідар на Пірэнеях. З'явіўся «народны» рэйтынг устаноў, праз якія яшчэ можна атрымаць шэнгенскую візу
Спецыялізаваны тэлеграм-канал «Визовый крот» склаў «народны» рэйтынг усіх дыпламатычных устаноў, праз якія ў Мінску яшчэ можна атрымаць шэнгенскія візы. У Мінску цяпер, па іх звестках, засталося каля дзясятка такіх магчымасцяў, але яны зусім розныя і ў сэнсе хуткасці, і ў сэнсе выніку.
Найбольш стабільным і зразумелым варыянтам называецца Іспанія: слоты для запісу з’яўляюцца тут некалькі разоў на месяц, можна запісацца самастойна.
У выніку — віза на 1—3 месяцы, часам нават на год і болей. Адмоў мала. Мінусы гэтага варыянту — працяглы разгляд, да 45 дзён пасля атрымання дакументаў, плюс 6—7 дзён на дастаўку.
У консульства Грэцыі запісацца лёгка, але візу выдаюць толькі пад канкрэтную паездку або даюць адмову. Трэці варыянт амаль немагчымы. Рызыкі тут вельмі высокія.
Францыя адкрывае візы пераважна толькі пад запрашэнні (афіцыйныя ці не). Турызм з Беларусі ў гэтую краіну ў мінулым. Шанец тут атрымаць візу, такім чынам, невысокі.
Што да Італіі, то ў летні перыяд тут звычайна павялічваецца колькасць даступных слотаў, але колькасць ахвотных — велізарная. А неўзабаве тут яшчэ зменіцца візавы цэнтр.
У Германіі запіс толькі праз пошту, час чакання — год і болей. Вынік ужо не апраўдвае чакання. Выглядае, што немцы стаміліся ад «візавых турыстаў» і штучна абмяжоўваюць доступ.
У Венгрыі слоты быццам бы ёсць, але іх ніхто не бачыў (акрамя турагенцтваў). Варыянты — толькі праз куплены тур ці запрашэнне. Прытым трэба сапраўды даехаць у краіну, інакш віза стане «гарбузом».
Адносна Балгарыі, то ў тэлеграм-канала складваецца ўражанне, што самі не вельмі хочуць быць у Шэнгене. Візы выдаюць з цяжкасцю, а потым лёгка іх анулююць.
Па-за рэйтынгам апынуліся Румынія, дзе чарга на 5 месяцаў наперад, Польшча, дзе сітуацыя не лепшая і Славакія з Партугаліяй, дзе запіс магчымы толькі раз на месяц у 9:00 раніцы па пошце, што амаль нерэальна.
Такім чынам, Іспанія — найбольш рэальны варыянт для тых, хто хоча візу і адпачынак яшчэ гэтым летам.
Яшчэ адна тэрыторыя стане даступнай праз шэнгенскую візу
Беларусы, што едуць у Сербію і Чарнагорыю, могуць трапіць у візавую пастку
Турцыя — ад 1600 еўра, Егіпет — каля 1800 долараў, і «танны» Тайланд. Колькі каштуе летні адпачынак з вылетам з Мінска
Колькі шэнгенскіх віз атрымалі беларусы ў 2024 годзе і якія краіны іх часцей выдаюць?
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары