«Старыя шпалеры і аблупленая падлога». Як выглядае самая танная кватэра Мінска, якая каштуе амаль 50 тысяч даляраў
Самая танная кватэра Мінска хаваецца ў раёне Ангарскай, на вуліцы Ілімскай, піша Onliner.by.
Размешчана ў панэльцы 1986 года, на дзявятым паверсе. Вокны выходзяць на паўночны ўсход.
Плошча аднапакаёвай — 35,3 кв. м. Складаецца з пакоя на 17 «квадратаў», кухні — на 7 метраў — і раздзельнага санвузла.
Жыллё яўна патрабуе рамонту: на гэта недвухсэнсоўна намякаюць старыя шпалеры і аблупленая падлога. Але затое можна зрабіць усё пад сябе.
А вось як уладальнікі апісваюць інфраструктуру:
«Побач крамы, школы, дзіцячыя сады і паркі, спарткомплекс, бальніца. Прыпынак грамадскага транспарту ў крокавай даступнасці. Зручны і хуткі выезд на МКАД. 10 хвілін грамадскім транспартам да метро «Магілёўская».
Абыйдзецца кватэра ў $49 000 па курсе.
Каментары