Дрэнныя ўмовы надвор’я, памылка экіпажа і непаладкі ў самалёце.
У Следчым камітэце пры Пракуратуры Расійскай Федэрацыі разглядаюцца тры версіі крушэння самалёта Ту‑154 ўрадавага авіяатрада Польшчы.
Як паведамляе ІТАР‑ТАСС, у СКП ў якасці магчымых прычын аварыі называюцца дрэнныя ўмовы надвор’я, памылка экіпажа і непаладкі ў самалёце.Раней са спасылкай на крыніцу ў сілавых структурах гаварылася, што катастрофу самалёта прэзідэнта Польшчы схільныя спісаць на чалавечы фактар.
Авіякатастрофа, у якой загінулі прэзідэнт Польшчы Лех Качыньскі, кіраўнікі Генштаба і Нацбанка краіны і яшчэ дзесяткі палітыкаў і грамадскіх дзеячаў, адбылася раніцай 10 красавіка. Ту‑154 задзеў дрэвы пры заходзе на пасадку ва ўмовах густога туману. Самалёт разбіўся ў некалькіх сотнях метраў ад узлётна‑пасадкавай паласы аэрадрома «Паўночны» пад Смаленскам. Афіцыйная польская дэлегацыя на чале з Качыньскім накіроўвалася ў Катынь для ўдзелу ў жалобных мерапрыемствах, прымеркаваных да 70‑й гадавіне расстрэлу польскіх афіцэраў.
Па ўдакладненых дадзеных, у самалёце знаходзіліся 96 чалавек. Ніхто з іх не выжыў.
Абавязкі прэзідэнта Польшчы, паводле канстытуцыі краіны, былі перададзеныя спікеру сойму (ніжняй палаты парламента) Браніславу Камароўскі.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах1
Памерла палітзняволеная Алена Панкова. Паўгода назад яе асудзілі за ўдзел у пратэстах
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары