З вальера заасада ў Пухавіцкім раёне на вачах у наведвальнікаў збегла ваўчыца
Адпраўляючыся на адпачынак у добраўпарадкаваную маляўнічую сядзібу, звычайна не чакаеш, што прыйдзецца ўцякаць ад патэнцыйнага нападу дзікага звера. А менавіта гэта ледзь не здарылася, па словах чытача выдання «Анлайнер», 29 ліпеня ў музейным комплексе «Дукорскі маёнтак» у Пухавіцкім раёне. Больш канкрэтна — у заасадзе, дзе ў вальерах сярод іншых жывёл жывуць ваўкі.
«У музейным комплексе я быў з дзіцём. У нас на вачах на адлегласці дзесяць метраў з клеткі вылезла ваўчыца. Мы пабеглі ў бок касы, па шляху папярэджваючы наведвальнікаў вяртацца. Паведамілі касіру», — расказвае мужчына.
Ён гаворыць, што наступныя паўтары гадзіны ён разам з дачкой правёў у кавярні, размешчанай на тэрыторыі. Паабедаўшы, патэлефанаваў у адміністрацыю, каб даведацца, як ідуць справы з ваўком, які ўцёк.
Адказ яго здзівіў: маўляў, усё як звычайна, людзі прыязджаюць, комплекс працуе ў штатным рэжыме.
«Сэрвіс… — іранізуе спалоханы наведвальнік, — Я думаў, што ўсё закрыюць на час адлову, наведвальнікаў выведуць і вернуць грошы. Але, мабыць, не ў гэтым свеце. Вельмі пашанцавала, што мы падышлі да клеткі і на свае вочы ўсе ўбачылі. Калі б на паўхвіліны затрымаліся, я ўяўляю, як мая дачка, любячы сабак, пайшла б насустрач ваўку».
Журналіст «Анлайнера» патэлефанаваў у адміністрацыю «Дукорскага маёнтка». Там пацвердзілі, што інцыдэнт з ваўчыцай, якая ўцякла, сапраўды быў, і запэўнілі, што ніякіх няшчасных выпадкаў і скаргаў іншых наведвальнікаў не было.
«Нічога страшнага не адбылося і не магло. Воўк таксама баіцца людзей. Яе ў выніку не прыйшлося нават лавіць. Паклалі ў вальер ежу — хутка вярнулася сама».
Сеніцкі воўк, якога гераічна застрэліла міліцыя, усё ж аказаўся сабакам. Пад пытаннем і ягонае шаленства
Дацкі заапарк заклікаў здаваць непатрэбных хатніх жывёл на корм драпежнікам
Падчас урагану ў Магілёве вецер знёс сабачую будку разам з сабакам
У Індыі памерла найстарэйшая азіяцкая сланіха. Ёй было больш за 100 гадоў
У сацсетках завірусіўся ролік з канём, які чакае аўтобуса на Магілёў ВІДЭА
Пракуратура пра смерць Мелказёрава: журналіст меў хранічную хваробу17
Каментары