Кангрэсмен-рэспубліканец, член камітэта Палаты прадстаўнікоў ЗША па ўзброеных сілах Джо Уілсан заявіў, што расійская атака дронаў на Польшчу — гэта падстава для адміністрацыі Дональда Трампа неадкладна ўвесці жорсткія санкцыі супраць Крамля і ўзмацніць ваенную падтрымку Украіны.
«Расія атакуе члена НАТА Польшчу іранскімі дронамі менш чым праз тыдзень пасля таго, як прэзідэнт Трамп прыняў прэзідэнта [Польшчы] Наўроцкага ў Белым доме. Гэта акт вайны, і мы ўдзячныя саюзнікам па НАТА за іх хуткую рэакцыю на несправакаваную агрэсію вайсковага злачынцы Пуціна супраць свабодных народаў», — напісаў ён.
Кангрэсмен заклікаў прэзідэнта ЗША Дональда Трампа ўвесці санкцыі, якія маглі б паралізаваць расійскую ваенную машыну, а таксама даць Украіне сучаснае ўзбраенне для ўдараў па тэрыторыі Расіі.
Ён адзначыў, што Пуцін больш не абмяжоўваецца толькі вайной ва Украіне, а цяпер «наўпрост выпрабоўвае нашу рашучасць на тэрыторыі НАТА».
«Пуцін заявіў, што «Расія не ведае межаў». Свабодныя і квітнеючыя нацыі навучаць Расію, што такое межы», — дадаў ён.
Уначы 10 верасня паветраную прастору Польшчы атакавалі расійскія беспілотнікі. Хаця ў афіцыйных паведамленнях спачатку было ўказана толькі тое, што аэрапорты зачыненыя «ў выніку незапланаванай ваеннай актыўнасці ў рамках забеспячэння бяспекі дзяржавы».
Польскае аператыўнае камандаванне паведаміла, што ў паветра былі паднятыя не толькі польскія знішчальнікі, але і самалёты іншых краін-саюзнікаў. У стан найвышэйшай гатоўнасці былі прыведзены наземныя сілы СПА.
Польшча збірае экстранную раду бяспекі.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу12
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары