Амаль тысяча расійскіх вайскоўцаў, якія прыйшлі з вайны, сталі фігурантамі спраў аб забойствах
Паводле расследавання выдання «Медыязона», з 2023 года ў расійскія вайсковыя суды паступіла не менш за 989 крымінальных спраў паводле артыкулаў аб забойстве і наўмысным прычыненні цяжкіх цялесных пашкоджанняў, што прывялі да смерці.
Колькасць прысудаў у адносінах да вайскоўцаў па гэтых артыкулах рэзка ўзрасла ў 2023 годзе. Тады суды вынеслі рэкордную колькасць прысудаў за забойствы, цяжкія пабоі і гвалтоўныя дзеянні.
У 2023‑м асудзілі 266 вайскоўцаў (у 2022‑м было толькі 38), у 2024‑м — 346 чалавек, а за перыяд з студзеня па верасень 2025 года ў суды ўжо паступіла 377 новых спраў.
«Медыязона» падкрэслівае, што гарнізонныя суды разглядаюць толькі справы супраць вайскоўцаў. У той жа час акруговыя і флоцкія суды могуць разглядаць і забойствы супраць цывільных або замежных ваеннапалонных — гэтыя выпадкі ў падлікі не ўключаліся.
Раней, у лютым, выданне «Вёрстка» паведамляла, што за тры гады вайны расійскія салдаты, якія вярнуліся з Украіны, забілі і пакалечылі больш за 750 чалавек у Расіі. Пры гэтым загінула не менш як 378 чалавек, а яшчэ 376 атрымалі цяжкія траўмы.
Большасць злачынстваў адбываліся ў пабытовых умовах, найчасцей супраць сваякоў і знаёмых, а ў многіх выпадках — пад уздзеяннем алкаголю.
З 334 вядомых выпадкаў са смяротным вынікам за тры гады, 166 былі забойствамі (196 загінулых), а яшчэ 112 — выпадкамі цяжкіх пабояў, якія таксама прывялі да смерці.
За верасень у праекце «Горюшко» дадалося амаль 10 тысяч імён загінулых расійскіх вайскоўцаў
«Я ўмею забіваць. Тут мяне за гэта не асудзяць». Ва УСУ таксама служаць зняволеныя, якія прамянялі турму на поле бою
«Вярнулі як быдла». Вызваленых расійскіх палонных адразу адпраўляюць назад на вайну
Названыя 13 расійскіх камандзіраў, датычных да злачынстваў у Бучы
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары
-путін
- Яська-гаспадар з-пад Вільні