Нобелеўскую прэмію па хіміі прысудзілі за распрацоўку новых металаарганічных злучэнняў. Яе падзялілі японец Сусуму Кітагава, брытанец Рычард Робсан і іарданец Амар М. Ягі.
Навукоўцы стварылі малекулярныя канструкцыі з вялікімі прасторамі, праз якія могуць праходзіць газы і іншыя хімічныя рэчывы, піша Бі-бі-сі.
Гэтыя канструкцыі, так званыя металаарганічныя каркасы, могуць выкарыстоўвацца для збору вады з паветра ў пустыні, захопу вуглякіслага газу, захоўвання таксічных газаў або каталізу хімічных рэакцый.
Сусуму Кітагава нарадзіўся ў 1951 годзе ў Кіёта. Атрымаў ступень доктара Універсітэта Кіёта ў 1979 годзе, прафесар гэтага ўніверсітэта.
Рычард Робсан нарадзіўся ў 1937 годзе ў брытанскім Гласберне. Доктарскую ступень атрымаў у 1962 годзе ў Оксфардскім універсітэце, ён прафесар Мельбурнскага ўніверсітэта.
Амар М. Ягі нарадзіўся ў 1965 годзе ў Амане (Іарданія). У 1990 годзе атрымаў доктарскую ступень ва Універсітэце Ілінойса ў Урбана-Шампэйн. Прафесар Каліфарнійскага ўніверсітэта ў Берклі.
Цяпер чытаюць
Анжаліку Мельнікаву бачылі ў Мінску ў «Дана Моле»26
Каментары