У 82 гады памёр Джон Лодж — бас-гітарыст, вакаліст і аўтар песень легендарнай брытанскай рок-групы The Moody Blues. Яго смерць была нечаканай, паведаміла сям’я музыканта.
Лодж усё жыццё аддаваў музыцы, сям’і і духоўным каштоўнасцям, і яго апошнія хвіліны прайшлі ў коле блізкіх пад музыку Everly Brothers і Бадзі Холі.
Джон Лодж нарадзіўся ў прыгарадах Бірмінгема, вучыўся ў мясцовых школах.
Да The Moody Blues ён далучыўся ў 1966 годзе, а ўжо ў 1967‑м гурт выпусціў інавацыйны альбом Days of Future Passed, які атрымаў плацінавы статус.
У перыяд 1969—1972 гадоў ён удзельнічаў у запісе пяці альбомаў, якія зрабілі гурт вядомым у жанры прагрэсіўнага року. За ўсю гісторыю гурта было прададзена больш за 70 мільёнаў копій іх запісаў, а ў 2018‑м The Moody Blues увайшлі ў Зал славы рок-н-ролу.
Сям’я адзначае, што сцэна была для Лоджа галоўным шчасцем, і ён вельмі любіў выступаць. Ён цаніў магчымасць працаваць з унукам, дачкой Эмілі і сынам Крысціянам, а ў асабістым жыцці знаходзіў радасць у сямейных момантах, напрыклад, у поспехах унука ў футболе.
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца16
Каментары