У Варшаве памёр вядомы польскі гісторык Генрык Віснер, значная частка навуковых зацікаўленасцяў якога была звязаная з гісторыяй Вялікага Княства Літоўскага. Яму было 89 гадоў.
Генрык Віснер з 1961 года працаваў у Цэнтральнай вайсковай бібліятэцы, затым у выдавецтве Міністэрства нацыянальнай абароны, а пазней — у Інстытуце сацыялістычных краін Польскай акадэміі навук. З 1980 года звязаны з Інстытутам гісторыі ПАН. У 1987 годзе атрымаў званне прафесара.
Асноўныя кірункі ягоных даследаванняў — вайсковая гісторыя, дыпламатыя Рэчы Паспалітай, а таксама гісторыя Вялікага Княства Літоўскага. Ён з’яўляецца аўтарам шэрагу прац, прысвечаных гэтым тэмам.
Найбольш вядомыя работы Генрыка Віснера, звязаныя з гісторыяй Вялікага Княства Літоўскага — «Лісоўчыкі», «Вайна не вайна. Эскізы з польска-літоўскага мінулага», «Кароль і цар: Рэч Паспалітая і Масква ў XVI i XVII стагоддзях», «Януш Радзівіл 1612—1655» і іншыя.
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны24
Каментары