«Прыйдзем у кожную вёску!» Орбан абвясціў збор подпісаў супраць плана ЕС па абароне ад Расіі
Прэм'ер-міністр Венгрыі мае намер прадэманстраваць, што «венгерскі народ не хоча вайны».
Віктар Орбан абвясціў аб пачатку збору подпісаў супраць абарончага плана Еўрасаюза. Гэтая стратэгія па абароне ад Расіі абмяркоўвалася на саміце ў Капенгагене.
Венгерскі прэм'ер заявіў, што яго краіне гэты план не патрэбны.
«Некалькі тыдняў таму ў Капенгагене быў прадстаўлены Брусельскі ваенны план: Еўропа плаціць, украінцы ваюйце, і Расія будзе вычарпаная. Мы не ведалі, колькі гэта каштуе і колькі гэта будзе доўжыцца. Замест стратэгіі брусельцы аддаліся летуценням», — напісаў Орбан у фэйсбуку.
Ён абвінаваціў Брусель у арганізацыі інфармацыйнай кампаніі супраць Венгрыі.
«Я ясна даў зразумець у Даніі: мы такога не просім. З тых часоў яны пачалі кампанію супраць Венгрыі. Арсенал велізарны. Абвінавачванні ў шпіянажы, скандалы з фальшывымі навінамі і юрыдычныя трукі. Яны пайшлі супраць нас у Бруселі і мабілізавалі сваіх унутраных прадстаўнікоў таксама», — паскардзіўся Орбан.
Ён заявіў, што не можа сядзець склаўшы рукі і проста назіраць. Таму Орбан абвясціў збор подпісаў супраць плана Еўрасаюза.
«Трэба яшчэ раз прадэманстраваць, што венгерскі народ не хоча вайны. Вось чаму сёння пачынаем збор подпісаў супраць ваенных планаў Бруселя. Мы будзем там у кожным горадзе і ў кожнай вёсцы, таму што зараз нам патрэбныя ўсе міралюбівыя венгры!» — напісаў Орбан.
У Капенгагене лідары краін ЕС абмяркоўвалі, у прыватнасці, стварэнне сцяны дронаў для абароны ад расійскіх правакацый, а таксама каардынацыю маніторынгу паветранага руху. У саміце ўдзельнічаў і прэзідэнт Украіны Уладзімір Зяленскі.
Цяпер чытаюць
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца3
Каментары
Хіба што прыгонных няма