Міжнародную федэрацыю лыжнага спорту абавязалі дапусціць беларускіх спартсменаў да спаборніцтваў
У пачатку лістапада Беларускі лыжны саюз падаў апеляцыю на рашэнне Міжнароднай федэрацыі лыжнага спорту і снаўборду (FiS) адносна нядопуску беларускіх спартсменаў да ўдзелу ў спаборніцтвах і адбору на Алімпійскія гульні 2026 года.
26 лістапада адбыліся слуханні па апеляцыйнай скарзе Беларускага лыжнага саюза і спартсменаў, паведаміў Нацыянальны алімпійскі камітэт.
2 снежня CAS (Спартыўны арбітражны суд) вынес рашэнне: «Пастанова Савета Міжнароднай федэрацыі лыжнага спорту і снаўборду (FIS) ад 21 кастрычніка 2025 года адменена, паколькі яна забараняе выступаць на спаборніцтвах і кваліфікацыйных спаборніцтвах, прызнаных Міжнароднай федэрацыяй лыжнага спорту і снаўборду, беларускім спартсменам, якія адпавядаюць крытэрам, устаноўленым Міжнародным алімпійскім камітэтам для ўдзелу ў якасці індывідуальных нейтральных спартсменаў (AIN) на Зімовых Алімпійскіх гульнях 2026 года ў Мілане і Карціна-д'Ампеца».
Такім чынам, беларускія лыжнікі, фрыстайлісіты і тыя, хто адпавядае крытэрам МАК як незалежныя спартсмены, павінны быць дапушчаныя FIS да ўдзелу ў кваліфікацыйных мерапрыемствах і адбору на Алімпійскія гульні 2026 года.
Менавіта фрыстайл быў той дысцыплінай, у якой беларусы рэгулярна бралі медалі на зімовых Алімпіядах — агулам восем узнагарод пачынаючы з 1998 года. Тады на Алімпіядзе ў Нагана бронзу ўзяў Дзмітрый Дашчынскі.
На апошняй Алімпіядзе ў Пекіне ў 2022 года Ганна Гуськова заваявала срэбра, у Пхёнчхане ў 2018 годзе — золата, а ў 2014 годзе ў Сочы золата выйгралі Антон Кушнір і Ала Цупер.
Зімовыя Алімпійскія гульні 2026 года пройдуць з 10 па 26 лютага ў італьянскім Мілане і Карціна-д'Ампеца. Па-за Алімпіядай беларускія біятланісты.
Каментары
Даць дастаткова зброі - не
Запрасіць у НАТА - не
Купляць расейскую нафту і газ - так
Не пускаць спартоўцаў РБ на спаборніцтвы - так