Грамадства66

«Да шостай ранку пяклі». Як украінцы беларускіх палітвязняў пакармілі

Калі ва Украіну дэпартавалі больш за сотню беларускіх палітвязняў, Марыя Анімія паехала ў Чарнігаў, каб дапамагчы як толькі можна. Дзяўчына расказала «Нашай Ніве» пра тое, як ёй дапамаглі простыя ўкраінцы.

Фота: Animia Masha / Facebook

Калі палітвязняў прывезлі ва Украіну, Марыя пачала шукаць для іх тэлефоны:

«Першае, што трэба было зрабіць — гэта забяспечыць усіх тэхнікай, каб яны маглі звязацца з роднымі і ўвогуле пачытаць навіны. У гэтым удзельнічала шмат людзей, людзі вельмі ўключыліся. Патроху прывозілі тэлефоны, але трэба было тэрмінова дакупіць іх, каб тэлефонаў хапіла на ўсіх.

Таксама трэба было набыць паўэрбанкі, бо ва Украіне [праз расійскія ракетныя ўдары] цяпер святло не заўсёды ёсць. Плюс ім хутка трэба было ў дарогу, і яны мусілі мець магчымасць быць на сувязі. І гэтая задача ўжо ўпала на мяне».

Марыя жыве ў Кіеве. Там яна пачала спешна шукаць месца, дзе можна хутка набыць шмат тэлефонаў і заплаціць за іх з Еўрасаюза, бо для гэтага выкарыстоўваліся сродкі ініцыятывы «Вольныя».

У выніку ёй дапамаглі ў кіеўскай краме тэхнікі.

«Я праседзела ў той краме з кансультантам пяць гадзін, аж да закрыцця, пакуль мы знайшлі ўсе тыя тэлефоны і прыдумалі, як заплаціць за іх. На другі дзень я забрала яшчэ паўэрбанкі».

А ўвечары перад тым, як экс-палітвязняў вывезлі ў Еўрасаюз, Марыі давялося вырашаць яшчэ адну задачу. Якая кавярня ў Чарнігаве згатуе 109 паўнавартасных ссабоек, каб беларусам было што есці падчас доўгай дарогі?

Дазвол на тое, каб даць палітвязням ежу ў дарогу, з’явіўся а 20‑й гадзіне, а выязджаць трэба было раніцай:

«Пачала званіць проста ва ўсе ўстановы». Хто ж захоча ўзяцца за такое проці ночы, ды яшчэ ў ваенны час?

Нарэшце яна дазванілася да кафэ «Праект» (Чарнігаў, Праабражэнская, 18).

Кафэ «Праект»

«Спытала ў іх пра 109 порцый, яны ўзялі пару хвілін падумаць, ці хопіць у іх прадуктаў».

Пакуль туды, пакуль сюды — толькі а 23‑й вечара ў кавярні пачалі гатаваць ежу для беларусаў. Але раніцай усё было гатова. Прычым не сухія бутэрброды, а грэчка, катлеты, салаты і садавіна.

Самі супрацоўнікі кавярні прызналіся «Нашай Ніве»:

«Спачатку, мы думалі адмовіцца, таму што ўжо позні час і ў нас не было патрэбнай колькасці прадуктаў. Але нам сказалі, што гэта для палонных, якіх прывезлі з Беларусі. Узялі час на абдумванне і вырашылі брацца. Хуценька выехалі на закупку, каб паспець да каменданцкай гадзіны набыць прадукты. Рыхтавалі простыя пажыўныя стравы, галоўнае — каб было смачна і сытна.

На прыгатаванне пайшла ўся ноч, мы слухалі музыку і крышылі салаты, рабілі катлеты. Паспелі ўсё зрабіць да 6 раніцы і даставіць. Гэта вядома выклік, таму што вялікі аб'ём і трэба было працаваць усю ноч, але мы справіліся».

«Наша Нiва» — бастыён беларушчыны

ПАДТРЫМАЦЬ

Каментары6

  • Мора
    19.12.2025
    вялікі дзякуй усім, хто дапамог, усім неабыякавам украінцам, якія нават у такія цяжкія часы знаходзяць у сабе сілы каб працянуць руку
  • Рэжым нікамунінада
    19.12.2025
    [Рэд. выдалена]
  • 1863
    19.12.2025
    Да 6й ранку ім пяклі, а яны на пытаньне чый Крым і хто агрэсар "не могу знать-с"

Цяпер чытаюць

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска1

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Усе навіны →
Усе навіны

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай25

«Дзякуй жанчынам, якія дачакаліся». Tor Band паказалі сваю першую рэпетыцыю3

больш чытаных навін
больш лайканых навін

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска1

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Галоўнае
Усе навіны →

Заўвага:

 

 

 

 

Закрыць Паведаміць