Здарэнні11

Мінчанку ў снежні ўджаліла аса. Навуковец растлумачыў, як такое магчыма

Прычым адбылося гэта ў мінскай кватэры.

З Onliner звязалася Валерыя і расказала, што сёння раніцай яе нечакана ўджаліла аса. «Я толькі паспела прачнуцца і пацягнулася да тумбачкі па гумку для валасоў, як раптам руку працяў рэзкі боль, — кажа суразмоўца. — Калі апамяталася, на падлозе заўважыла асу. Але ж цяпер снежань, і нават для кватэры жывая аса — гэта нешта дзіўнае!» 

Раніца ў пятніцу ў Валерыі не ўдалася з самага пачатку: яе ўджаліла аса. Сумненняў у гэтым не было — насякомае ляжала на падлозе каля ложка.

— Я выпіла антыгістамінны прэпарат, бо кісць пачала моцна ацякаць, і толькі пасля занялася пошукам прычыны. Вядома, я зусім не здзівілася б, калі б гэта адбылося, напрыклад, улетку, але каб у снежні — нават уявіць сабе такога не магла!

Адкуль аса магла з’явіцца ў кватэры, і што ўвогуле адбываецца з гэтым відам насякомых зімой, журналісты спыталі ў кіраўніка Цэнтра навуковага пчалярства, загадчыка галіновай лабараторыі Дзмітрыя Рахматуліна:

— У адрозненне ад пчол, восы і чмялі зімуюць паасобку — у выглядзе так званых полаваспелых самак, якія на наступны год будуць фармаваць новае гняздо.

І, у адрозненне ад жывёл, кузуркі не ўпадаюць у анабіёз, як многія думаюць. Для насякомых характэрная дыяпаўза — запаволенне працэсаў у арганізме, пры якім яны ўсё адчуваюць і могуць нават абараняцца.

Сітуацыя, хутчэй за ўсё, узнікла таму, што самка ўтульнае месца для зімоўкі знайшла ў нейкай рэчы, увайшла ў дыяпаўзу і спакойна зімавала. Але пасля, напрыклад, аса разам з гэтай рэччу трапіла ў цёплае памяшканне, сагрэлася — і ў яе запусціліся біялагічныя працэсы.

На думку навукоўца, кузурка магла памыліцца і «падумаць», што ўжо надышла вясна. Таму, адчуўшы небяспеку, яна магла атакаваць і ўджаліць. Дзмітрый адзначыў, што восы могуць трапляць у кватэру разам з цёплымі рэчамі, гароднінай або садавіной, якія прыносяць з балкона.

— Умоўна кажучы: на балконе ў вас захоўвалася паліто, у якім аса знайшла ўтульнае месца і пайшла на зімоўку. А калі вы занеслі паліто ў дом, яна выбралася з кішэні і ўджаліла вас. Гэта нармальна з пункту гледжання вос, але ненармальна з пункту гледжання біялагічнага гадзінніка самой асы.

Каментары1

  • хамса
    21.12.2025
    а да мяне днямі божая кароўка завітала

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць