Энергетыкi дэмантуюць пашкоджаны ўчастак цеплатрасы ў Мінску, яны працавалі ўсю ноч.
Фота: Мінэнерга
У працы былі задзейнічаныя больш за 170 чалавек, паведамляе Мінэнерга.
Зараз працягваецца работа па дэмантажы пашкоджанага кампенсатара трубаправода, вядзецца падрыхтоўка да яго замены. Работы ўскладнены ўмовамі надвор’я — ноччу тэмпература паветра апускалася да мінус 19 градусаў.
З улікам размяшчэння пашкоджанага ўчастка цепламагістралі выкарыстанне спецыяльнай тэхнікі было ўскладнена — шэраг тэхналагічных аперацый выконваўся брыгадамі амаль уручную.
Мінэнерга падкрэслівае, што прымаюцца ўсе неабходныя меры для як мага хутчэйшага завяршэння работ і аднаўлення нармальнага рэжыму цеплазабеспячэння спажыўцоў.
Раніцай у панядзелак, 19 студзеня, адбылося пашкоджанне цепламагістралі па вуліцы Акадэміка Карскага ў Мінску. У выніку жыхары адразу пяці раёнаў сталіцы — Фрунзенскага, Маскоўскага, Цэнтральнага, Савецкага і Кастрычніцкага — выявілі, што іх батарэі астылі, а з кранаў знікла гарачая вада.
Вяртанне цяпла ў кватэры адбылося толькі пад вечар.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары