Парламент Украіны не змог працаваць на пасяджэнні 12 лютага — дэпутаты кажуць, што маглі атруціцца ў сталовай Рады.
Як піша «УП», гаворка ідзе пра дзясяткі дэпутатаў. Называецца лічба «да 30 нардэпаў». У большасці падобныя сімптомы: высокая тэмпература, страта сіл, кішэчныя разлады і дыярэя.
Частка суразмоўцаў мяркуе, што маглі атруціцца ў дэпутацкай сталовай, хоць не ўсе інфіцыраваныя елі там.
Іншыя суразмоўцы перакананыя, што ўсе сімптомы падобныя на прыкметы ротавіруса, успышкі якога ў апошнія тыдні фіксавалі і ў Букавелі, і ў іншых гарадах, у тым ліку ў сталіцы.
Праз раптоўнае захворванне парламент не змог сабрацца на пасяджэнне 12 лютага. Таму ў Радзе былі вымушаныя закрыць пасяджэнне парламента.
Наступны пленарны тыдзень пачнецца 24 лютага.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары