Прайшлі матчы 11-га туру нацыянальнага першынства. БАТЭ па-ранейшаму не прапускае.
19, 21-22 мая прайшлі матчы 11-га туру чэмпіянату Беларусі па футболе ў вышэйшай лізе. Траціна першынства вельмі хутка мінула (чэмпіянат стартаваў 3 красавіка).
У сераду, 19 мая, гулялі ўдзельнікі заўтрашняга фіналу Кубка Беларусі: БАТЭ і жодзінскае «Тарпеда».
БАТЭ – «Дынама» Брэст – 1:0, «Дынама» Мінск – «Тарпеда» – 5:1.
21 мая: «Нафтан» – «Шахцёр» – 0:2, «Віцебск» – «Мінск» – 0:3.
Сёння, 22 мая, гулялі: «Дняпро» Магілёў – «Белшына» – 1:3, «Партызан» – «Нёман» – 0:4.
Становішча камандаў па выніках 1 круга:
БАТЭ – 25, Белшына – 23, Дынама Мінск, Мінск – 20, Дынама Брэст, Дняпро, Шахцёр – 15, Віцебск – 12, Нафтан – 11, Нёман – 10, Тарпеда – 9, Партызан – 1.
Шасціразовы чэмпіён Беларусі ў лідэрах, а на другім месцы замацаваўся дэбютант сёлетняга сезона «Белшына». Праўда, бабруйскі клуб быў першым чэмпіёнам краіны ХХІ стагоддзя, у 2001 г.
ФК БАТЭ (у яго сем перамог і чатыры нічыі) у 11 матчах не прапускаў.
***
Пакуль чэмпіянат Беларусі бярэ паўзу на два тыдні: маладзёжная і нацыянальная зборныя Беларусі правядуць пры канцы мая – пачатку чэрвеня таварыскія матчы.
Другі круг стартуе 5 чэрвеня і скончыцца 22 жніўня.
Трэці пройдзе з 28 жніўня па 20 лістапада.
А ў нядзелю, 23 мая, на мінскім стадыёне «Дынама» пройдзе фінал Кубка Беларусі. Гуляюць БАТЭ і «Тарпеда» Жодзіна. Пачатак а 18-й, уваход вольны.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай29
Каментары