Свет33

Краіны ЕС пакуль не змаглі ўзгадніць змест 20‑га пакета санкцый супраць Расіі

20 лютага Камітэт пастаянных прадстаўнікоў ЕС не дасягнуў дамоўленасці адносна новага санкцыйнага пакета, які планавалі зацвердзіць 23 лютага — да гадавіны поўнамаштабнага ўварвання Расіі ва Украіну. Пра гэта паведамілі некаторыя еўрапейскія дыпламаты выданню «Еўрапейская праўда» на ўмовах ананімнасці.

Здымак ілюстрацыйны. Фота: Thierry Monasse/Getty Images

Асноўная спрэчка ўзнікла вакол прапановы цалкам забараніць аказанне марскіх паслуг расійскім танкерам, што перавозяць нафту ўздоўж еўрапейскага ўзбярэжжа. Ідзе гаворка пра забарону на выкарыстанне партоў, страхаванне, пастаўкі харчавання, бункероўку і іншыя паслугі з боку еўрапейскіх кампаній. Супраць гэтай меры выказаліся перадусім марскія дзяржавы — Грэцыя і Мальта.

Паводле інфармацыі ад дыпламатаў, магчымыя два варыянты: або спрэчную забарону вынесуць за межы 20‑га пакета, або само яго прыняцце адкладуць. Некаторыя краіны лічаць, што важней ухваліць больш змястоўны і жорсткі пакет, нават калі гэта зойме больш часу.

Дадатковы супраціў выклікала прапанова Еўракамісіі ўключыць у санкцыйны спіс замежныя парты і банкі, праз якія Расія прадае нафту. Пярэчанні выказалі Венгрыя, Іспанія і Італія. Таксама паведамлялася, што Венгрыя можа затрымаць узгадненне з-за абмежаванняў у дачыненні да расійскіх спартыўных чыноўнікаў.

Наступнае пасяджэнне Камітэта пастаянных прадстаўнікоў ЕС прызначана на 25 лютага, аднак не выключана, што паслы ЕС могуць сабрацца датэрмінова, каб усё ж падрыхтаваць пакет для зацвярджэння міністрамі замежных спраў 23 лютага. У той жа час кіраўніца еўрапейскай дыпламатыі Кая Калас заявіла, што ЕС па-ранейшаму разлічвае ўхваліць 20‑ы пакет санкцый у запланаваныя тэрміны.

Каментары3

  • Белта
    20.02.2026
    Мо пару расейскіх шахедаў паскораць брусэльскіх бюракратаў, мо хоць так да іх дойдзе разуменне што такое вайна і расейская агрэсія
  • Суцяшальны прыз
    20.02.2026
    Замест таго, каб загнаць Расію санкцыямі ў каменны век, давайце проста забаронім Мядзведзеву закупляць грапу і агуардзьентэ для асабістага ўжывання.
  • рак
    20.02.2026
    Украінцам (хочаш не хочаш) даводзіцца абараняць во і гэтакую Еўропу.

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

больш чытаных навін
больш лайканых навін

Крымскі мост зруйнаваны ўдарам украінскіх ракет40

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць