У Пінску мужчына пракалоў колы ў машыны суседа, бо той заняў расчышчанае ім месца на паркоўцы
Зімой праблема з паркоўкамі ў гарадах абвастраецца праз снегапады: месцаў становіцца яшчэ менш, і паміж суседзямі ўзнікаюць спрэчкі. Адзін з такіх канфліктаў праз парковачнае месца ў пінскім двары скончыўся крымінальнай справай.
У міліцыю звярнуўся 50‑гадовы жыхар Пінска і паведаміў, што невядомы пашкодзіў колы яго аўтамабіля «Фіят», пакінутага на ноч каля дома.
Падчас следства высветлілася, што мужчына пасля працы паставіў машыну на свабоднае месца, ачышчанае ад снегу. Раніцай ён убачыў, што два колы спушчаныя і маюць праколы, пасля чаго звярнуўся ў міліцыю.
Супрацоўнікі крымінальнага вышуку ўстанавілі, што да здарэння можа быць датычны 52‑гадовы сусед пацярпелага. Той прызнаўся, што сапраўды пракалоў колы шылам. Са слоў мужчыны, ён раззлаваўся, калі ўбачыў, што месца, якое сам расчысціў для сваёй машыны, занята іншым аўтамабілем, і вырашыў такім чынам адпомсціць.
У выніку супраць мужчыны распачалі крымінальную справу за хуліганства. Санкцыя адпаведнага артыкула прадугледжвае пакаранне аж да пазбаўлення волі тэрмінам да трох гадоў.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?14
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары