Немцу Гансу Зіглінгу было выстаўлена абвінавачанне па 13 эпізодах генацыду.
Паведамляецца, што ён асабіста, а таксама разам з удзельнікамі ўзначаленых ім злачынных фарміраванняў — украінскай паліцэйскай роты і 57‑га батальёна ахоўнай паліцыі, а таксама сумесна з удзельнікамі асобага батальёна СС «Брыгада Дырлевангера» — праводзіў карныя аперацыі на тэрыторыі Мінскай, Гродзенскай і Брэсцкай абласцей, у выніку былі здзейснены забойствы, у тым ліку масавыя, а таксама поўнае або частковае знішчэнне 11 сельскіх населеных пунктаў.
Ён пазбавіў жыцця шляхам расстрэлаў з агнястрэльнай баявой зброі і павешання не менш за 1706 чалавек, у тым ліку як мінімум 238 малалетніх, а таксама людзей, якія знаходзіліся ў бездапаможным стане, і пажылых. Акрамя таго, Зіглінг замахваўся на забойства яшчэ не менш як 30 чалавек, прычыніўшы некаторым цялесныя пашкоджанні рознай ступені цяжкасці, аднак не змог давесці злачынныя дзеянні да канца па не залежных ад яго абставінах.
Ганс Зіглінг памёр у Германіі ў 1978 годзе.
Гэта ўжо шостая справа аб генацыдзе ў Беларусі ў апошнія гады. Былі асуджаныя за генацыд даўно памерлыя Уладзімір Катрук (справа Хатыні), Канстанцін Смоўскі, Сымон Серафіновіч, Аляксандр Ярмольчык, Восіп Вініцкі.
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам5
Каментары