За палітыку асудзілі былога сябра ЛДПБ, які трымаў стрыптыз-клуб на Зыбіцкай
Дзмітрый Бурак называў сябе бізнэс-анёлам, балатаваўся ад ЛДПБ і лічыўся адным з самых багатых кандыдатаў.
У Мінскім гарадскім судзе вынеслі прысуд 46‑гадоваму Дзмітрыю Бураку.
У ранейшых інтэрв’ю ён расказваў, што дзесяць гадоў адпрацаваў на дзяржаўнай службе, а пасля пайшоў у бізнэс. Спачатку займаўся мантажам вентыляцыі, пасля ліфтамі, укладаўся і ў IT-сферу. Сярод іншых яго актываў стрыптыз-клуб Gentleman's House на Зыбіцкай.
Бурак называў сябе бізнэс-анёлам і ўзначальваў сетку Angels band.
Апроч таго, Дзмітрый быў сябрам Ліберальна-дэмакратычнай партыі. Ён балатаваўся ад партыі ў парламент у 2016‑м і ў Мінскі гарадскі савет дэпутатаў у 2018-м, але, натуральна, прайграў. Затое адзначыўся як адзін з самых багатых кандыдатаў.
Невядома, калі на Бурака завялі крымінальную справу і ці быў ён у СІЗА.
Бізнэсмена абвінацілі ў «садзейнічанні экстрэмісцкай дзейнасці» (ч. 1 арт. 361‑4 Крымінальнага кодэкса). Па гэтым артыкуле судзяць сотні чалавек, затрыманых па справе Гаюна, але няясна, ці ў Дзмітрыя было такое ж абвіначваванне.
Дзмітрыю Бураку прысудзілі хатнюю хімію.
Цяпер чытаюць
Вядучы СТБ Раман Пратасевіч пабраўся шлюбам трэцім разам3
Каментары