Украіна прапанавала еўрапейскім краінам разам распрацаваць новую сістэму супрацьпаветранай абароны, якая павінна стаць больш таннай альтэрнатывай амерыканскай Patriot. Ініцыятарам выступае ўкраінская кампанія Fire Point, якая ўжо вырабляе дроны і ракеты.
Прадстаўнікі Fire Point вядуць перамовы з еўрапейскімі партнёрамі, каб запусціць новую сістэму СПА прыкладна ў 2027 годзе. Пра гэта расказаў агенцтву Reuters сузаснавальнік і галоўны інжынер кампаніі Дзяніс Штылерман.
Галоўная мэта праекта — значна знізіць кошт перахопу паветраных цэляў. Зараз адна ракета для комплексу Patriot каштуе мільёны даляраў, і часта для знішчэння адной цэлі трэба некалькі такіх ракет. Украінскі бок хоча давесці кошт да менш як 1 мільёна долараў за перахоп, што магло б стаць сур’ёзным прарывам.
Для гэтага плануецца супрацоўніцтва з еўрапейскімі кампаніямі ў сферы радараў, навядзення і сувязі. Сярод магчымых партнёраў называюцца дацкая кампанія Weibel Scientific, нідэрландская Hensoldt, шведская Saab, французская Thales Group.
Паралельна кампанія развівае ўласную вытворчасць: у Даніі рыхтуецца запуск завода па выпуску ракетнага паліва.
Эксперты адзначаюць, што праект вельмі амбіцыйны і рэалізаваць яго ў такія кароткія тэрміны будзе складана. Аднак попыт на больш танныя сістэмы СПА ў свеце высокі, таму нават менш эфектыўная, але танная альтэрнатыва можа быць запатрабаванай.
Акрамя СПА, кампанія таксама працуе над новымі ракетамі і дронамі, якія ўжо выкарыстоўваюцца ў вайне і могуць у будучыні пастаўляцца на экспарт.
«Зроблена хатнімі гаспадынямі». Кіраўнік Rheinmetall пагардліва выказаўся пра ўкраінскія дроны, украінцы яму адказалі
«Гэты ўдар цяжка пераацаніць». Чым унікальная атака «Фламінга» на завод у Воткінску
Ва Украіне паказалі, як запускаюць ракеты «Фламінга» ВІДЭА
Украінская ракета «Фламінга» ў нечым лепшая за амерыканскія «Тамагаўкі»
Што вядома пра крылатую ракету «Фламінга». Ці дастане яна да Масквы і вытворчасцяў шахедаў?
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе11
Каментары