Суўладальнік і галоўны канструктар абароннай кампаніі Fire Point Дзяніс Штылерман апублікаваў відэа запуску ўкраінскіх ракет FP-5 «Фламінга» па арсенале Міністэрства абароны РФ у Валгаградскай вобласці. Запіс з’явіўся ў сацсетцы X 12 лютага.
Паведамляецца, што ўдар быў нанесены па адным з найбуйнейшых складоў боепрыпасаў расійскай арміі, які знаходзіцца прыкладна за 400 кіламетраў ад дзяржаўнай мяжы Украіны. Генеральны штаб Украіны пацвердзіў выкарыстанне сродкаў далёкага паражэння FP-5 «Фламінга».
Котлубань. Ексклюзивне відео пусків. https://t.co/1sSOTTT6o0 pic.twitter.com/4k5NTObP4M
Акрамя таго, у горадзе Мічурынск Тамбоўскай вобласці УСУ атакавалі завод «Прагрэс», які вырабляе высокатэхналагічнае абсталяванне для авіяцыйных і ракетных сістэм і працуе на патрэбы расійскага войска. Паводле звестак Генштаба, на тэрыторыі прадпрыемства ўзнік пажар, а маштаб пашкоджанняў удакладняецца.
Аналітыкі Defense Express мяркуюць, што ракеты «Фламінга» здольныя эфектыўна пераадольваць сістэмы супрацьпаветранай абароны і радыёэлектроннай барацьбы, бо абодва аб’екты павінны былі мець сур’ёзную ахову.
Уночы 12 лютага ў Валгаградскай вобласці прагучалі магутныя выбухі. Паведамлялася пра ракетны ўдар і пажар на вайсковым арсенале ў пасёлку Катлубань. Губернатар рэгіёна Андрэй Бачароў заявіў, што мясцовая СПА нібыта адбіла атаку, а ўзгаранне адбылося праз падзенне абломкаў на тэрыторыі аб’екта Міністэрства абароны.
Раней, 5 лютага, паведамлялася пра траплянне ў палігон Капусцін Яр ракетамі «Фламінга» — гэта стала першым афіцыйным пацвярджэннем іх выкарыстання па тэрыторыі Расіі.
Мінабароны РФ упершыню прызнала ўдары па Расіі новымі ўкраінскімі ракетамі «Фламінга»
Украіна заяўляе, што ўдарыла «Фламінга» па палігоне, адкуль Расія запускае «Арэшнік». Які вынік?
Куды знікла «самая паспяховая ракета» Украіны «Фламінга»?
Украіна ўпершыню афіцыйна ўжыла ракеты «Фламінга»
Украінская ракета «Фламінга» ў нечым лепшая за амерыканскія «Тамагаўкі»
Што вядома пра крылатую ракету «Фламінга». Ці дастане яна да Масквы і вытворчасцяў шахедаў?
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары