У Расіі зноў абвінавацілі краіны Балтыі і Фінляндыю ў дапамозе Украіне пры атаках на балтыйскія парты
Памочнік прэзідэнта Расіі Мікалай Патрушаў заявіў у інтэрв'ю «Российской газете», што суседнія з Расіяй краіны НАТА нібыта ўдзельнічаюць у атаках украінскіх беспілотнікаў на расійскія парты ў Балтыйскім моры.
Па словах Патрушава, дроны на расійскія парты нібыта могуць запускацца не толькі з тэрыторыі Украіны, але і з суднаў у моры. Ён адзначыў, што адлегласць ад паўночнай мяжы Украіны да Ленінградскай вобласці вельмі вялікая, таму такія палёты патрабуюць загадзя спланаванага маршруту і, як ён лічыць, згоды краін, над якімі яны праходзяць.
Патрушаў таксама сцвярджае, што ў Эстоніі жыхароў нібыта папярэджваюць пра магчымае з’яўленне дронаў — праз SMS і інфармацыйныя матэрыялы. Ён згадаў і Фінляндыю, дзе, паводле яго, знаходзяць абломкі беспілотнікаў, і якая, як ён сказаў, не патрабуе ад Украіны спыніць удары па расійскай тэрыторыі.
Раней расійскае МЗС выказала незадаволенасць у сувязі з тым, што краіны Балтыі нібыта адкрылі сваю паветраную прастору для ўкраінскіх дронаў. Аднак Эстонія, Латвія і Літва гэта адмаўляюць і заяўляюць, што ніколі не дазвалялі выкарыстоўваць сваю тэрыторыю або паветраную прастору для атак на Расію.
Падставай для такіх заяў сталі нядаўнія атакі на парты ў Ленінградскай вобласці. У выніку аднаго з інцыдэнтаў былі збітыя некалькі дзясяткаў беспілотнікаў, а іх абломкі пашкодзілі нафтаправод каля порта Прыморск. Таксама паведамлялася пра пажары ў порце Усць-Луга пасля атакі дронаў. Гэта ўсё аказала вялікае ўздзеянне на тэхнічныя магчымасці Расіі па экспарце вуглевадародаў.
Дэфіцыт сродкаў СПА ці абхадныя маршруты: чаму аб’екты ў Расіі пастаянна цярпяць ад удараў УСУ
УСУ зноў атакавалі порт Усць-Луга: пашкоджаныя тры рэзервуары
Нафтаправод у раёне Прыморска пашкоджаны ноччу дронамі. Парты Усць-Луга і Прыморск другі тыдзень не прымаюць нафту
У выніку атак на порт ва Усць-Лузе пашкоджаны тэрмінал для загрузкі нафты
Пажары ў расійскіх партах. Што пацярпела ад удараў украінскіх беспілотнікаў
Украінскія ўдары па партах паралізавалі амаль палову расійскага нафтавага экспарту
Каментары