Трамп патлумачыў, чаму дагэтуль працягваецца вайна ва Украіне: Байдэн даў ім 350 мільярдаў
На думку амерыканскага прэзідэнта, менавіта адсутнасць фінансавай падтрымкі Украіны з боку Злучаных Штатаў спыніла б баявыя дзеянні.
Дональд Трамп заявіў, што вайна ва Украіне працягваецца з-за таго, што яго папярэднік Джозеф Байдэн нібыта надаў Кіеву фінансавую дапамогу на суму 350 мільярдаў даляраў. Пра гэта ён сказаў падчас брыфінгу, піша «Украінская праўда».
На думку амерыканскага прэзідэнта, менавіта адсутнасць фінансавай падтрымкі Украіны з боку Злучаных Штатаў спыніла б баявыя дзеянні. Ён падкрэсліў, што Амерыка аддзеленая ад канфлікту акіянам, тады як еўрапейскія краіны адчуваюць яго як праблему на ўласным парозе, аднак ЗША ўсё роўна вымушаныя ім дапамагаць.
«Ведаеце, яны зрабілі ва Украіне сапраўдны беспарадак, поўны вэрхал. І мы дапамагаем ім з Украінай. Украіна тут ні пры чым. Ведаеце… нас падзяляе акіян. Гэта датычыць іх. Для іх гэта як уласныя дзверы. Мы ім дапамагаем. А Байдэн даў ім 350 мільярдаў даляраў, што было вар’яцтвам. Гэта адна з прычын, чаму вайна працягваецца».
Насамрэч, дапамога ЗША Украіне пры Байдэне склала не 350, а 120 мільярдаў даляраў. Пасля прыходу Трампа да ўлады Вашынгтон пераклаў дапамогу гэтай ахвяры расійскай агрэсіі на краіны Еўропы, але працягнуў пастаўкі зброі, аплачанай са сродкаў іншых краін, і перадачу разведзвестак.
Акрамя таго, у Трампа запыталі, ці разглядае ён магчымасць скарачэння колькасці амерыканскага вайсковага кантынгенту не толькі ў Германіі, але і ў Італіі ды Іспаніі.
«Так, магчыма. Чаму б і не? Італія нам нічым не дапамагла, а Іспанія паводзіла сябе жахліва — абсалютна жахліва».
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары
[Зрэдагавана]