У касы Нацыянальнага банка Беларусі неўзабаве пачнуць паступаць памятныя манеты наміналам 1 і 10 рублёў, выпушчаныя яшчэ ў канцы 2025 года. Гэта манеты з серыі «Птушка года», прысвечаныя шэрай вароне, піша Myfin.by.
Манеты выкананыя ў двух варыянтах: больш танныя медна-нікелевыя і даражэйшыя срэбныя.
У абарачэнне манеты паступяць 12 мая. Частку можна будзе набыць у Мінску па адрасе вуліца Талстога, 6, дзе знаходзіцца пункт продажу Нацбанка.
Манеты адрозніваюцца і па кошце: медна-нікелевыя наміналам 1 рубель будуць каштаваць каля 40 рублёў, а срэбныя наміналам 10 рублёў — каля 320 рублёў.
Тыраж таксама абмежаваны: каля 7 тысяч медна-нікелевых і 2 тысячы срэбных манет. Пры гэтым яны з’яўляюцца законным плацежным сродкам і павінны прымацца па намінале, хоць фактычны кошт калекцыйных вырабаў значна вышэйшы.
Цяпер чытаюць
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам5
Каментары